الحمد لله

والله وعملوها الرجااااااله....الحمد لله

شموع الامل

نوري يا شموع الامل

من بعد ضلام الليالي

واملي حياتنا نور وفرح

وحب ودفا واغاني

وخدينا من بعد التوهه

خدينا من بعد العذاب والجراح

وارمينا في حضن الاماني

عوضينا عن كل اللي راح

وارسمي فرحتنا وضحكتنا

علي وشوشنا من تاني

وبنورك تضوي قلوبنا

وتمليها سعاده وهنا وبراح

نوري يا شموع الامل بكره

نسينا الماضي وكل الذكري

وامحي ذكري حلم قديم

حلم غامض بعيد أليم

ونوري حياتنا بحلم جديد

يسعد ايامنا اللي جايه

يا تري يا ايام يا مستخبيه

فيكي ايه؟؟؟؟؟؟؟؟

بحر الحياة

بحر الحياة غدار واحنا لفين راحين

شايل معاه اسرار واحنا معاة ماشين
ايام تفوت وتروح واحنا ولا حاسين
احلام تعيش وتموت يا قلوبنا يا خايفين

الطير بيهاجر وبيرجع الشمس بترحل وبترجع
الدنيا بتاخد وبتدى الليل لو طول هيعدى

الطير بيهاجر وبيرجع الشمس بترحل وبترجع
الدنيا بتاخد وبتدى الليل لو طول هيعدى

فى ليالى بنحلم وتعبنا ورجعنا لوحدنا بعزبنا
حاول تتغيـــــر ومسيــــرك تقــــدر

فى ليالى بنحلم وتعبنا ورجعنا لوحدنا بعزبنا
فى ليالى بنحلم وتعبنا ورجعنا لوحدنا بعزبنا

حاول تتغيـــــر ومسيــــرك تقــــدر
وبلاش نستسلم يوم للحزن مادام عايشين

بحر الحياة غدار واحنا لفين راحين
شايل معاه اسرار واحنا معاة ماشين
ايام تفوت وتروح واحنا ولا حاسين
احلام تعيش وتموت يا قلوبنا يا خايفين

لو ينسى الواحد احزانه هيشوف الورد وألوانه
لو نفتح للدنيا قلوبنا هدق الاحلام على بابنا

لو ينسى الواحد احزانه هيشوف الورد وألوانه
لو نفتح للدنيا قلوبنا هدق الاحلام على بابنا

دى ساعات الدنيا بتوعدنا ونقرب منها وتبعدنا
دى ساعات الدنيا بتوعدنا ونقرب منها وتبعدنا

حبها من قلبك حبها هتحبك اضحك للدنيا
الفرحة هتيجى فى غمضت عين

بحر الحياة غدار ...الدنيا لسة بخير
شايل معاه اسرار... فى حياتنا لسة كتير
ايام تفوت وتروح ...بكرة هيجى اكيد
احلام تعيش وتموت... هيجينا حلم جديد

الدنيا لسة بخير
فى حياتنا لسة كتير
بكرة هيجى اكيد
هيجينا حلم جديد

بحر الحياة غدار ...الدنيا لسة بخير
شايل معاه اسرار... فى حياتنا لسة كتير
ايام تفوت وتروح ...بكرة هيجى اكيد

علي قد ما حبينا

على أد ما حبينا...و تعبنا في ليالينا

الفرحة في مشوارنا.. تاني هتنادينا

طول ما القلب صافي ..بحر العشق وافي

كل عذاب الدنيا.. هيروق بكرة لينا

بس امتى ليالينا ..عالحلم ترسينا

بين ايوة و لا ..

الحب بنلقاه

ما احلى الحياة ..باصحابنا واهالينا

وعذاب الحياة..لما نكون وحدينا

لو نروق هيجينا ..كل ما اتمنينا

لو ممكن تطيب ..احزان الحبيب

شمس الحب تطلع ..من بعد المغيب

ده احنا ياما شقينا..من يوم ما اتنسينا

ليه ما نكونش ذكرى . . في الليلة الجميلة

ليه ما نكونش غنوة .. في الرحلة الطويلة

بس امتى امانينا ..تيجي و تدفينا

لو نروق هيجينا ..كل ما اتمنينا

علي الحجـــار

مش ندمان

مش ندمان اني بكيت

مش ندمان اني اتألمت

دانا ياما كتير قاسيت

لكني من الدرس اتعلمت

ومن الحزن كتير فهمت

وبعد ما كنت حزين شريد

عايش جوه حلم عنيد

بقيت انا انسان جديد

غير اللي كان زمان

انسان اتولد فيه قوه واراده

وأمل كبير وتحدي وإيمان

مش ناسي انه كتير أنجرح

ولكنه نسي كل اللي كان

نسي حلم كان زي شبح اسود

بيطارده في كل زمان ومكان

ولكن لكل شئ حكمة

ولكل وقت ادان

نهاية وبدايه

نهايه وبدايه

ودمعه وضحكايه

وموال وغنوايه

وليل يعدي وبعده نهار

وقلب بيعزف علي الاوتار

وأحلام مليانة بالاسرار

وكلام كبير وحكاوي وأشعار

وراحة ودفا من بعد المرار

وشمس تهل وقمر يغيب

وفرحة تطل وجراح تطيب

وأماني تتولد واحزان تنهار

وأمل يصحي وماضي يموت

وذكريات أليمة تعدي وتفوت

وحال يتغير لحال

دا ربك كريم ببيبدل الأحوال

وهي الدنيا كده

كلام وسكوت... دفا وبرود

يأس وامل... شروق وغروب

وناس تاخد من غير ما تدي

وناس تدي من غير ما تاخد

ومسير اللي عاش في الظلام

يجيي يوم ويطلع للنور

ويخرج ويعدي بره السور

الله علي النـــــــــــــــــــــور

يوم لن انساه

امبارح كان اجمل يوم في حياتي اللي مش ممكن انساه ابدا

يوم حفلة التخرج بعد 4 سنين تعب في الكليه ,بس فرحتي امبارح

نستني تعب المزاكره طول السنين اللي فاتت وفرحتي باغلي اصدقائي

وهما بيتكرموا وسط اهلهم ,كان نفسي احضن الدنيا كلها

وكان نفسي يكون كل الناس اللي بحبهم معايا اليوم ده, والحمد لله اني اقدرت

انجح ورغم أي محن او مشاكل مريت بيها ورغم الالم اللي مريت بيه

السنين اللي فاتت الا اني تعبت وزاكرت وده كل بفضل ربنا سبحانه وتعالي

هو اللي كان معايا هو اللي اداني القوه وهو كمان اللي كان حاسس بفرحتي

امبارح شكلها ايه.

في النهايه عاوزه اقول الحمد لله يارب يا كريم يا اكبر من كل شئ

حلم جميل

حلم جميل في المنام

يا تري حقيقه ولا

نسيج من خيال واوهام

ياتري يابكره

راح يكون الحلم حقيقه

ياتري يا بكره

هتتحقق الاحلام

يا خوفي لسه من الايام

دي دنيتنا دنيا غريبه

مليانه قصص وحكاوي وافلام

وناس جامده زي الحجر

وناس دابت من كتر الالام

واه منك يا زمان

واه من اللي بتعمله فينا الاحلام

دي الروح راحت من زمان

ودي حكايتنا معاك يا زمان

الله

الله عليك يارب
يارب الغلابة المساكين
يا قادرعلي كل شئ
يا ناصر الحق والمظلومين
يا مالك قلوب عبادك
يا عاطي كل المحرومين
التايهين المتسوحين
اللي في المحنه
ملقوش غيرك جنبهم
ملقوش أي حد غيرك
يخاف عليهم ويضمهم
ويحبهم الحب الحقيقي
اللي ميعرفش معناه البني ادمين
يارب العفاف والرضا
يارب المحبة والغنا
ارحمنا من شر دنيانا
واحمينا من شر نفسنا
امين يارب العالمين