يا دنيا حالك فوق احتمالي

حسه بفراغ كبير وملل ووحده اول مره احس بالغربه,وكأن مليش مكان

في الدنيا اروح فيه ولا قلب اترمي في حضنه ملقتش غير ربنا اشكيله واتذل

ليه هو اقرب ليا من نفسي وهو اللي هيحس بيا وهو أحن عليا من أي حد

مبقتش عارفه الناس جواها ايه

تايهه مش عارفه اعمل ايه ويا تري ايه مصيري كل ما افرح انجرح

ولما أحب بنكسر دايما بيني وبين احبابي مسافات وكأن طريقنا مش واحد

ولكني عايشه وبتعلم حاجات مبقتش حسه اذا كنت فرحانه ولا زعلانه

بقيت حسه بفراغ من جوا وكأني بفرفر من حلاوة الروح قلبي اتحجر من اوجاعه

صعبه يا دنيا عليا اوي وحالك بقي فوق احتمالي

يارب مش مصبرني غير ايماني بيك وبنصيبي يارب

يارب صبرني

مفيش نصيب

قدر الله وما شاء فعل الحمد لله انا راضيه بنصيبي يارب

زي دوا

محتاجالك يا حب

تدق بابنا وتملي القلب

تدخل حياتنا من تاني

وتملاها شوق واماني

محتاجالك زي دوا

بيطيب جراح الزمان

وكأنك نبع حنان ودفا

بيمحي برد الالم والاحزان

محتاجالك زي احساس نقي

يطهر قلوبنا من السواد

حب اساسه حب الله

صادق مفيهوش خداع واااّه

بس فين نلاقيه

وامتي ينادينا

طولت علينا يا ليل

وامتي الفرح يداوينا

محتاجه

محتاجه ايد تضمني وتطبطب عليا

محتاجه قلب يحبني ويخاف عليا

محتاجه عيون طيبه تضلل عليا

ونفس مليانه شوق ودفا وحنيه

محتاجه اعيش لحظة حب حقيقيه

تنسيني كل العذاب والأسيه

بعيده عن الخداع والكدب والانانيه

تفرحني تنور كل ايامي الجايه

اهدي يا قلبي استني شويه

مين عارف الايام ايه مخبيه

دي الدنيا يوم حلو ويوم مر

ومسير العمر كله هيمر

عارفك تعبان يا قلبي

حزين وحالك في الدنيا ما يسر

يارب رحمتك

غربه وحيره

ليه دايما بنجرح من أقرب الناس ليا

ليه مبقتش واثقه في اي حاجه ولا بقيت فاهمه حد

حتي اقرب الناس ليا اوقات بحس اني مش فهماهم

مش فاهمه اي جواهم

ليه دايما بقيت حسه ان مفيش حب صادق حقيقي يغيرك للاحسن

ليه بقيت شايفه كل الناس بعيده اوي عن الحق بعيده اوي عن ربنا

تايهه وليه بيسموا الحقايق والاخلاق شعارات وكلام وازاي وصلنا لكده

عشان الدنيا بقت صعبه ولا عشان مش لاقين فلوس نقوم نبيع نفسنا ونخسرها

لازم الواحد يبقي حقودي وقاسي عشان يسموه عاقل وعشان يقدر يعيش دا ف شرع مين

زي ما يكون ناسيين ان في رب قادر علي كل شئ

ليه اتقلبت الموازين الصح بقي غلط والغلط بقي صح

بقينا بنفضل الفاني علي الباقي ولا في دماغنا موت ولا اخره مش شايفين غير

المال وبس مع انه في الغالب بيكون هو مصدر الشر اللي ربنا حرمه واحنا بنحلله دلوقت

ليه بيسموا الصبر والرضا كلام لانهم محسوش بيه لان مبقاش في احساس

ليه مش مقتنعين ان في حاجه اسمها نصيب ورزق اي نعم لازم نسعي ورا الرزق دا

بس مش نوصل للطمع والجحود مهما ضاقت الدنيا بينا

مبصناش للنهايه ليه بنبص دايما للبدايه بس

ايه هي النهايه ولا حاجه يا دنيا.

يا بكره فين هتودينا

دنيا عجيبه وغريبه

واغرب ما فيها الناس

مره صعبه وكئيبه

وادينا عايشين وخلاص

لا في شئ بأدينا الا

الحب والامل والاخلاص

تغيب الشمس علينا

وبكره فين هيودينا

الهم عكر ليالينا

والحزن عشش في عنينا

لا قلوب تريحنا

ولا ناس طيبه تحن علينا

لازم نتعذب لجل ما نرتاح

ونعيش في العتمه ونتألم

لجل مايعود لينا الصباح

كل ما تفهم حقيقتك يا بن ادم

كل ما تزيد حواليك الجراح

رمضان كريم

اللهم بلغنا رمضان واغفر لنا ذنوبنا يارب يا غفور يارحيم

كل سنة وانتم طيبين وبلاش تنشغلوا بالمسلسلات وتنسوا العبادات

محدش عارف امتي عمره هينتهي

كل دقيقه في الشهر الكريم دا مش بتتعوض

كل سنه وانتم طيبين