الجمعة، 3 فبراير، 2012

دنيـــــــــــــــــــــــا



بيقولوا دي دنيا الجمال

والحقيقه اغرب من الخيال

نتغر بيها ونصدق كدبها

ونقول مفيش فيها محال

وفجأه تتوه من جوانا

معاني الحب والجمال

نعيش ونسأل نفسنا

فين السعاده فيها

مشينا وراها وصدقناها

كل ما نشرب منها نعطش اكتر

كل ما نطول فيها نطلب اكتر

ولا في نهايه

ولا عمرنا بنقول كفايه وراضيين

قلوبنا غاب منها الاحساس

وفاكرين اننا خلاص عايشين

وادينا فعلا عايشين كدبه كبيره

اسمها..............دنيا

الخميس، 12 يناير، 2012

غنوه حزينه


يا قلب الطير
مالك كدا بتغني حزين
لفيت كتير وعافرت
من طول السفر مليت
طاير بجناح مكسور
والاه جواك بتوجعك
ولا في حد بيسمعك
والجرح عايش يألمك
والفرحه تاهت مالهموم
وسط الضباب والغيوم
وليه صوت صرختك مكتوم
وغنوتك كلامها حزين
واهي رحله دايره
مش عارف اّخرها فين

الجمعة، 25 نوفمبر، 2011

غريبه يا دنيا

غريبه يا دنيا
ليه بتلعبي بينا
عجيبه يا دنيا
وليه دايما بتعذبينا
مالهموم بتشيلينا
وعن الفرحه بتبعدينا
بتدي حاجه وتاخدي حاجه
انتي فعلا ولا حاجه
بتجمعينا وف لحظه بتفرقينا
وف ذكريات تعيشينا
ذكري حلوه نتمني ترجع
وذكري مره ف القلب توجع
قلوب فراقها ملانا احزان
وقلوب معدش ليها جوانا مكان
ناس مهما بعدت عايشه فينا
وناس راحت وتاهت مع الزمان
زيها زي سراب كداب
لا يستحقوا يكونوا احباب
ولا نتحمل عشانهم العذاب
مش بقلك غريبه يا دنيا

السبت، 29 أكتوبر، 2011

لقاء وفراق


الدنيا محطات ,مواقف وذكريات
بنعيش فيها حكايات تقابلنا كتير صدمات
نقابل ناس نفارق ناس ,كتير منهم خدوا مننا حب وصدق
مخدناش منهم غير جرح وعذاب
لكن الجرح دا بيعلمنا حاجات كتير للأفضل وبياخد وقته ويعدي.
ومعزتهم بتنتهي بمجرد ما تنجرح منهم قلوبنا
وناس تانيه قليلين بتظهر معادنهم وقت الشده ,يستحقوا كل الحب
خدوا مننا حب وخدنا منهم دفا وصدق واتعلمنا معاهم معاني الحب والتضحيه
هي دي الحياه ناس بتسيب ذكري حلوه تعيش ف قلوبنا طول العمر
وناس بتسيب ذكري مره كئيبه متستحقش غير النسيان

وكل كلمه حلوه هنا للناس النادره اللي حبتها بجد وحبوني من قلبهم
واللي فعلا يستحقوا كل شئ جميل