الأربعاء، 31 مارس 2010

علمتني الحياه


كل قلب جرح وظلم
هيجيله يوم يعيش في الم
ودموع وجراح وهموم وندم
كل قلب خدع وقسا
لازم في يوم يتذل ويتنسا
كل قلب باع وخان
لابد يدوق مر الزمان
وكل قلب انجرح واتهان
لازم هيجي الاوان
ويروق ليه بكره والزمان
ويعيش بالحب والدفا والامان
والقلب محتاج ايه غير الحنان
يا كل من يوم اتظلم
واتعذب قلبه ياما وانهزم
خلاص مبقاش فيه وجع
خلاص مبقاش فيه انكسار
بقي فيه عدل وخير وانتصار
نبع الخير فيك ما يختفي
وشموع الحب جواك ما تنطفي
والدنيا كده قلوب وقلوب
الدنيا كده ناس وناس
قلوب حنينه وصادقه
وقلوب ما تعرف معني الاحساس
سبحانك يارب كل الناس

السبت، 27 مارس 2010

رحله جوه قلوب الناس


الموضوع ده شدني اوي اني اكتب فيه واتكلم عن بعض الصفات الموجوده فينا
الصفات اللي منها الكويس ومنها الوحش اولا مش ممكن اي صفه كويسه هتتولد جوانا
من غير نعمة الاحساس الشئ الوحيد اللي منقدرش نشتريه بكنوز الدنيا كلها
ولو اتكلمنا عن بعض الصفات الكويسه هتكون اهم صفه هي الصدق ,انك تكون صادق مع نفسك
قبل اي حد ,انك تكون صادق في افعالك وطبعا الصفه دي اصبحت مش موجوده الا عند نادر مننا
لان الاحساس غاب والضمير مات والحياه كلها بقت كدب وخداع بنتعامل ظاهريا وبس وبنفكر اننا
لو امتلكنا كل شئ في الدنيا هنقدر نشتري كل حاجه حتي السعاده وراحة البال وياخدنا تيار الوهم
لحد ما نغرق ونوصل في الاخر للمفيش وبنخسر كل شئ حتي نفسنا
ومن اغلي واحلي الصفات هي العطاء وحب الخير مفيش اغلي من القلب اللي بيدي دايما
من غير حساب مع ان صاحب القلب ده بيعاني ويتألم كتير لأنه دايما بيدي لناس بتعرف تاخد وبس
من غير ما تدي.التضحيه كنز كبير وليس مجرد صفه نبيله ,انك تضحي براحتك وسعادتك في سبيل ناس بتحبهم
يكونوا هما بالنسبه ليك اغلي من سعادتك وحياتك ,وان سعادتك الحقيقيه انك تحس فرحتهم وتشوف ضحكتهم.
ولما نيجي نتكلم عن الصفات السيئه هتكون اول صفه هي الانـانيه لأن اغلب الناس اللي قابلتهم
في حياتي اكتشفت جواهم الصفه دي .الانـانيه هي تفضيل الذات ,نفس بتحب تاخد وتمتلك كل شئ لدرجة انها
ممكن توصل صاحبها للوحشيه والخداع والقسوه العمياء,ممكن تخليه يدوس علي اي حد ويلعب بيه
لمجرد ارضاء غروره ونفسه المريضه.تخليه بكل بساطه يضيع سعادته واهله واغلي ناسه والناس اللي بيحبوه
لأن القلب الاناني عمره ما يعرف الحب الحقيقي ولا هيكون في يوم ليه عزيز او غالي عليه
وكل صفة سيئه من حقد وغل وخيانه بيكون سببها الانانيه لان الاناني بيعيش طول عمره ياخد وبس
من غير ما يفكر في غيره للحظه
ومن ابشع الصفات السيئه ايضا الغرور والكبر انك بتشوف نفسك عالي المقام
لمجرد انك امتلكت شئ من الدنيا الكدابه,بس دا لأن السراب جوانا وحوالينا
والكدب والخداع والانانيه والغش والخيانه امراض بتجري في دمنا,ولوملكنا كل شئ
هياخدنا الشيطان للكدب والخداع والخيانه لأن هي دي النفس الانسانيه
وربنا يبعدنا عن الدنيا اللي كلها كدب وخداع.

الأربعاء، 24 مارس 2010

يا طير يا عالي


يا طير يا عالي
يلا نطير في العلالي
خدني لحلم غالي
زي النجم فوق بيلالي
وديني لدنيا تانيه
ولا كانت يوم علي بالي
خدني لاحساس جميل
يحلي كل الايام والليالي
يا طير افرد جناحك
داوي عذابك وجراحك
تطيب بالحب كل احزانك
تنسي تعبك وهمومك واّلامك
وتنور الدنيا قدامك
وتعيش وتكبر جواك احلامك
طير يا طير وسلمها لربك
هو اللي حاسس بيك وخلقك
طير يا طير رغم اللي كان
عيش واتحدي ظلم الزمان

الخميس، 18 مارس 2010

عيـــــــــش يا قلبي


طير يا قلبي يا مسكين

عشت ياما سنين وسنين

مستني لحظة فرح وحنين

عيش يا قلبي وافرح

واياك في يوم تجرح

عيش يا قلبي وانسي الاحزان

عيش حياتك رغم اللي كان

عيش بالحب والدفا والامان

عيش يا قلبي واتمني

بكره مع الايام تتهني

واخداني احساسيس طايره بيا

لضحكتي وفرحة عنيا

لامل جديد ساكن فيا

دلوقتي خلاص يا قلبي فهمت

من امبارح وزمان اتعلمت

بجد يارب بقولها بجد

انا بحبك قوي بحبك

الثلاثاء، 16 مارس 2010

بالحب نكون


بالحب هنصبح ونكون

وكل شئ حوالينا يهون

بالحب هنفرح ونعدي

بالحب هيضحك لينا الكون

بالحب تزول ألامنا وهمومنا

تطيب جراحنا وتنور شموعنا

يهون عذابنا وترتاح قلوبنا

بالحب هنعلا ونكبر

علي الايام والدنيا هنقدر

بالحب تكبر جوانا احلامنا

وتحلو بينا ليالينا وايامنا

ننسي ماضينا نبص لقدامنا

بالحب هنعيش ونسامح

مع حياتنا ودنيتنا نتصالح

بالحب تتنسي الاحزان

يروق ويصفي لنا الزمان

ويا تري ايه حكايتك

ايه حكايتك معانا يا زمان

الأحد، 14 مارس 2010

اجدع صحاب

اجدع صحاب صحابي من صغري دول اللي يمشوا معايا دوغري

دول اغلى ناس هما الاساس واقول لكم ايه

قضينا اجمل وقت في حياتنا دايبين في بعض بحكياتنا وفرحتنا بلمتنا نروح لية

انا كل ما عمري يعدي ونقابل بعضنا احس كأن انا عندي يجي 16 سنة

افتكر امبارح ادمع حافظة وممكن اسمع نفسي الايام دي ترجع ونتلم كلنا

اعز صحاب هما اللي وقت ما يطلبوا قصاد الباب

اعز صحاب اوقات يدوبوا ويتقلبوا في ثانية احباب

اعز صحاب هما اللي وقت ما يطلبواقصاد الباب

اعز صحاب اوقات يدوبوا ويتقلبوا في ثانية احباب

اعدنا اكتر ما اعدنا في بتنا سفرنا ورحنا وجينا وبتنا

و انا كل ما عمري يعدي ونقابل بعضنا احس كأن انا عندي يجي 16 سنة

افتكر امبارح ادمع حافظة وممكن اسمع نفسي الايام دي ترجع ونتلم كلنا

اجدع صحاب صحابي من صغري دول اللي يمشوا معايا دوغري

دول اغلى ناس هما الاساس واقول لكم اية

قضينا اجمل وقت في حياتنا دايبين في بعض بحكياتنا وفرحتنا بلمتنا نروح لية

انا كل ما عمري يعدي ونقابل بعضنا احس كأن انا عندي يجي 16 سنة

افتكر امبارح ادمع حافظة وممكن اسمع نفسي الايام دي ترجع ونتلم كلنا

السبت، 13 مارس 2010

ممكن


اسكن بيوت الفرح اه ممكن
اسكن بيوت الحزن لا يمكن
ومستحيل ياحزن راح تسكن
قدر الزمان يفهمنا اه يمكن

شكلني بطعم الافراح
لوني بلون التفاح
وبطعم المنجة وكمنجة
تعزفلي ع الجرح ارتاح......يمكن

مشيني علي كفوف الراح
نسيني لو حلم وراح
واشمعني المعني بيعرفني
لو باتت في قلوبنا جراح
يممممممكن

اسكن بيوت الفرح اه ممكن
اسكن بيوت الحزن لا يمكن
ومستحيل ياحزن راح تسكن
قدر الزمان يفهمنا اه يمكن

الأربعاء، 10 مارس 2010

يا كل قلب


يا كل قلب اتظلم

يا كل قلب يوم انداس

يا كل قلب داق الالم

يا كل قلب مليان احساس

يا اللي عشت حياتك محروم

لابد يجيلك يوم محتوم

تزول فيه كل الهموم

ترتاح روحك ويفرح قلبك

تنسي دموعك واّلمك

ويعود لك حقك

تلقي اللي يداوي جرحك

تلقي اللي يفهمك ويحسك

تلقي نفسك بالصدق انتصرت

بعد ما بالخداع انهزمت

وعلي قد ما يوم اتعذبت

علي قد ما كتيراتعلمت

دا ربك كبير اوي

عمره ما بيضيع الحق

الثلاثاء، 9 مارس 2010

عندما نتذكر من نريد


عندما تريد أن تكون بجانب من تريد ولا تستطيع فقط اغمض عيناك
وراجع ذكرياته وضحكاته وأحزانه وكل ما يتعلق به في تلك اللحظة
تكون بجانبه ولا تشعر بأي وحدة وحينها تستطيع أن تحدثه بما في خاطرك
حتى ان كان في حقيقة الأمر لايسمعك فمحبتك له تشعره بك
ومحبته لك تكفيك لتسمع حتى صمته
من كلمات مسافره في حياة الاخرين

السبت، 6 مارس 2010

ابعد يا ليل


ابعد يا ليل عنا

طلي يا شمس علينا

خدنا يا حلم للجنه

واملي الفرح في عنينا

نور حياتنا وسكتنا

وكل شئ من حوالينا

فرح قلوبنا واسعدنا

ابعدناعن الخوف ابعدنا

ولا شئ تاني راح يتعبنا

حلي ايامنا وليالينا

خدينا يا فرحة دفينا

من بعد التوهه رسينا

من بعد الغربه ضمينا

بالحب والخير نجينا

ازرعي الامل في قلوبنا

داوي كل عذابنا وجراحنا

وانا وانت يا قلبي خلاص

خلاص ارتحنا

الخميس، 4 مارس 2010

خدنا يا فرح


خدنا يا فرح مرجحنا

وبلاش في يوم تجرحنا

بلاش من تاني تظلمنا

طمن قلوبنا وريحنا

خدنا يا فرح لبعيد

شوقنا لك كل يوم بيزيد

خدنا يا فرح ودينا

لبسمتنا وضحكة عنينا

لاحلامنا اللي بتنادينا

لبكره اللي هناك مستنينا

خدنا ابعد الخوف عن قلوبنا

نور ايامنا وعمرنا وحياتنا

طهر قلوبنا دفي احساسنا

نسينا قسوة الزمان علينا

وامتي تتحقق امانينا

امتي تتحقق امانينا

الثلاثاء، 2 مارس 2010

ود وصفا

قلبي جواه احلام

جواه ود كبير وصفا

وعيوني مليانه كلام

مليانه خير وحنين ودفا

يمر العمر ويعدي

وتفوت سنه ورا سنه

اتغير واتبدل انا

ويجينا الامل زي الدوا

يملي القلب هنا

بعد ما شرب مالعذاب وارتوي

لكنه قاوم واتحدي الالم

واتمني يكمل المشوار

بعيد عن الهم والمرار

بعيد عن الجرح والنار

ورغم كل شئ خايف

خايف من قسوة الزمان

لانه ياما داق زمان

والزمان ملوش امان

لكن الرضا بالنصيب والايمان

بيملاه راحه واطمئنان