افتح قلبك

من ألمك ارسم لونك والعايمه لازم ترسي

انسي خوفك

متخفش من بكره

مين عارف ايه بكره

دي الدنيا قلابه

ومين يعرف ايه فيها هيجري

اوعاك تعيش علي الالم

وتضيع حياتك في العدم

بالاراده تقوي علي جرحك

وتنسي خوفك

وتضحكلك ايامك وتصالحك

وتخرج من دايرة يأسك

متخفش وعيش ايامك

الحياه اهي قدامك

اتمني وبكره هتتحقق احلامك

اتحدي كل الاوجاع

ومتبكيش علي اللي ضاع

دا اللي ضاع زمان وراح

جاي من بعده غنا وافراح

وقلبك اللي يوم انظلم

مسيره يروق ويتهني ويرتاح

قطر الحياه هيفضل ماشي

ماشي.......وواخدنا معاه

احلم وفتح عنيك

احلم وفتح عنيك

حب الدنيا من حواليك

الفرحه قدامك بتناديك

والامل جواك ساكن فيك

وبكره اللي جاي مستنيك

احلم وارسم جنتك

واملاها بفرحك وضحكتك

وامشي طريقك وسكتك

تضحك لك ايامك ودنيتك

احلم وعيش اللحظه

احلم دي الدنيا لحظه

احلم وريح بالك

ومسيرها الايام تحلالك

وتحلو لياليك وتتحقق احلامك

ويفرح قلبك ويتغير حالك

متفكرش يوم في اللي جرالك

احلم ببكره وفوق

طير عند السحب فوق

يصفي لك زمانك ويروق

ويجيي من بعد الليل شروق

دي الدنيا غروب وشروق

ناس وناس

في ناس تحبهم يقدروك تخلص لهم يبقوا مش عارفين يعملوا ايه لجل ما يسعدوك
تودهم يودوك عمرهم ما يعرفوا يجرحوك ولا يفكروا في يوم يرموك,ناس بجد
يستحقوك ولا يوم يفكروا يبيعوك, ناس يستحقواا كل الحب والتضحيه قلوب

متعرفش كدب وخداع قلوب مليانه من الدنيا اوجاع قلوب زي الندي صافيه
بتدي كتير من غير حساب, قلوب مليانه احساس وبراح قلوب فيها حب وسماح
وفي ناس تحبهم يستغلوك تخلص لهم يبقوا مش عارفين يعملوا ايه عشان يدمروك
تقرب منهم يبعدوك نفسهم بأي شكل يجرحوك, وبكل انانيه زي اللعبه يرموك
ناس اقل حاجه تعملها انك تنساهم وتفرح انهم بعدوا عنك وسابوك
ميفكروش في يوم يشتروك, قلوب مليانه كدب وانانيه قلوب متستحقش تفكر فيهم ثانيه
وللاسف كتروا اوي في الدنيا ,حتي احساسك خساره انه يكون ليهم,كل حاجه حلوه بيضيعوها من ايديهم
قدر اللي يقدرك وصون اللي يصونك وانسي اللي يكرهك وابعد عن اللي يخونك

وهكذا هي الحياه نهايات وبدايات.

عيش حياتك

عيش حياتك

بحلم جديد

يملي عيونك

فرحه وعيد

يخلق جواك

امل سعيد

ينور كل لياليك وايامك

يدفن كل همومك واحزانك

يطيب كل جراحك واّلامك

يملي قلبك خير وامان

ينسيك قسوة زمان

يفهمك معني اللي كان

يعلمك معني الاحساس

في زمن انعدم فيه الاحساس

وايه تكون حياة الناس

من غير حب ودفا واخلاص

والاحساس لو يوم انداس

ميعوضوش مال ولا دهب وماس

وربنا يهدي قلوب الناس

وعد ومكتوب

كل شئ بأوان

كل شئ مكتوب

والدنيا ليل ونهار

وكل شئ فيها محسوب

ومهما الشمس تغيب

ربك فرجه قريب

ومهما تزيد الغيوم

بكره هتزول الهموم

دا القلب اللي انهزم يوم

مسيره يكسب بعد ما كان مهزوم

والقلب اللي عاش محروم

هيعيش حياته ويتهني ويطول

والحق اللي مهما غاب

هيرجع له مع الايام

هي كده الدنيا

وهي دي الايام

لو مش هتحلم معايا

لو مش هتحلم معايا

مضطر احلم بنفسي

لكنّى فى الحلم حتى

عمرى ما هأحلم لنفسى

فرحه

انا مبسوطه اوي النهارده....الحمد لله

عيش

احلم ببكره وعيش

وفي قلبك متخبيش

احلم وعيش الحلم

حب وأخلص متتنسيش

عيش وافتح قلبك

انسي كل تعبك وهمك

ودور علي اللي يصونك ويحبك

بالحب تروي زهرة حلمك

حب الحياة بقلب كبير

تتفتح لك ابواب كتير

حبها وعيشها زي ما هيا

تحلو لياليك الجايه

عيش ايامك بالامل

تنكسر وتموت كل احزانك

وتنسي كل اللي كان

يا كل قلب داق الاحزان

لازم يجيلك يوم فيه ترتاح

وتدوق الهنا والحب والافراح

دا بكره اللي جاي

احلي كتير من امس اللي راح

ومسير تتغير احوالك

عيش واصبر واستني

عيش وريح بالك

يا وعدي علي الايام

بضحك مع الايام

بضحك ولو احلام

مين؟ مين؟ مين ؟ مين قدها الايام

انتظار

الي متي الانتظار؟؟؟؟؟؟؟؟؟

بحبك يارب

سبحانك يا رب

يا ناصر المظلوم

يا عاطي المحروم

يارب الخير والحق

يارب الود والصدق

سبحانك يارب العالمين

رب الدنيا والناس اجمعين

رب الغلابه والمساكين

رب الرحمه والعدل والطيبه

سبحانك يا رب

يا عالم بقلوب عبادك

يا خالق الروح والاحساس

يا رب المحبه والاخلاص

يا احن علينا من كل الناس

يا قادر علي كل شئ

ولا يخفي عليك شئ

بحبك قوي يا رب

ودايما بحمدك واشكرك

لا...لليأس

يا كل عزيزوغالي

يانجم فوق بيلالي

يا طاير فوق في العلالي

يا ابو قلب صافي مليان

رحمة وحب ودفا وحنان

يا كل عزيز وغالي

يا اللي بختك في الدنيا قليل

يا اللي همك علي قلبك تقيل

هيجيلك يوم

تدوب فيه كل احزانك

ويملي الامل والفرح وجدانك

وتحلو بيك كل ايامك

وتعيش وتحقق امانيك واحلامك

دي الدنيا كدبه كبيره

الرخيص بقي فيها غالي

والغالي بقي ما يساويش

ناس زي الجواهر بتلمع

وناس ميملاش عنيها الا الرخيص

اصلهم في الاصل ما فيش

ايوه الله ما فيش

الوعد والمكتوب

الوعد والمكتوب نمشى سكك ودروب ولا ينتهى المشوار

الوعد والمكتوب نتعب ولا بندوب والليل فى اخره نهار

الوعد والمكتوووب

تقسى علينا قلوب

لا نخاف ولا نحتار

يا ما لقينا الوعد .. يوفى امل موعود

القلب لون الورد .. والصعب ما له وجود

الوعد والمكتوب وكل شئ محسوب الا فى احلامنا

الوعد والمكتوووب لو كنت يوم مغلوب

العمر قدامنا

الصبر ماله حد .. مهما تمر سنين

والشوق قصور تتمد .. تملى قلوبنا حنين

الوعد والمكتوب نلقى بلد محبوب نرتاح ونرمى الحمل

الوعد والمكتوب مهما بنمشى دروب

يتلم تانى الشمل

قالو زمان الوعد .. سلمنا ايامنا

قلنا زمان الوعد .. سلم لأحلامنا

الوعد والمكتوب

نمشى سكك ودروب

ولا ينتهى المشوار

الوعد والمكتوب

نتعب ولا بندوب

والليل فى اخره نهار

الوعد والمكتوووب

تقسى علينا قلوب

لا نخاف ولا نحتار

اسامي غاليه عليا

سمر:حديث الليل ، المُسامرة ، الدَّهر ، وظل القمر
احمد :الأكثر حمداً ، المحمود ، وأوّل من سُمِّي به النبي محمد
محمد:الكثير الخصال الحميدة ، والمحمود جداً,الرسول العربي محمد بن عبد الله
امل :رجاء وأمنيه والامل هو الحياة
سماح:المسامحه,التسامح,التساهل,الجود والكرم
داليا : معناه كرمة العنب نبات زينة
مروه:وهو حجر صلب أبيض براق يعرف بالصوان ويوقد النار واصلها مروءة
سونيا:اسم أجنبي مأخوذ من سوفيا وتعني الحكمة والفطنة
ولاء:القرابه,النصره ,الصداقه,الاخلاص,الميراث,المحبه

طير يا حمام

طير لفوق يا حمام
طير علي عش الاحلام
واملي الدنيا غنا وكلام
كله امان ودفا وسلام
طير يا حمام طير لبعيد
خدنا للحلم السعيد
املي القلب بأمل جديد
بعد ما كان تايه وحيد
طير يا حمام خدنا معاك
قلوبنا بترفرف وياك
طير يا حمام فوق السحاب
طير بعيد عن الضباب
ريحنا من بعد العذاب
وابعدنا عن السراب
واحفر من الدمعه بسمتنا
وارسم في عيونا فرحتنا
واحكي في البلاد حكايتنا
دا الحب طريقنا وسكتنا
ونور حياتنا وأملنا وضحكتنا
ويارب كمل فرحتنا

ولا دايمه الا المحبه

ولا دايمه الا المحبه والظلم هو اللي رايح مين اللي خلي الاطبا تعرف تداوي الجرايح

شعاع الامل

يا بكره يا احلي من امبارح
يا شمس وفرح وغنا طارح
يا نور ودفا بعد الليل الجارح
يا عوضنا عن كل اللي راح
يا حلم جانا من بعد الغياب
يا امل قوانا من بعد العذاب
يا فرح جمعنا بعد ما كنا اغراب
يا احساس جميل ما نعرف مداه
وشعور ما نعرف بدايته من منتهاه
يا بكره يا فرحة عنيا
يا كل لحظه ودقيقه جايه
امتي تتحقق احلامي من حواليا
واطول نجوم السما باديا
وفي كل يوم بيعدي عليا
سؤال جديد بيتولد فيا
يا ايام يا مستخبيه

امتي......هتنور ايامي ولياليا

امتي؟؟؟

القي لك حد

القى لك حد .. لو ضاقت بيك يفتح لك قلب

يبقى لك صحبه و اهل و بيت

يناديك لو انت في يوم ضلّيت

ويشوفك لوع الخلق داريت

و يحسّك رغم البين و البعد

القى لك حد

القى لك حلم من الاحلام

ماتسيبش سنينك للاوهام

دي الدنيا ما بين افراح و آلام

الشوك تسقيه يطرح لك ورد

القى لك حد

القى لك قلب يحن اليك

و حبيب يشتاق و يروح يرضيك

لو طالت في الايام لياليك

يبقى لك فجر وشمس وغد

القى لك حد

انغــــــــــــــــــــــــــــــــــــــــــام

يا بكره مستنيك

اوعي الدنيا تكسرك
ولا يوم تبكي عليها
دي دنيا جبانه وغدراه
ومفيش غالي عليها
وأياك يأسك يوصلك
لسكة بعيده تتوه فيها
عيش بالأمل وانسي
ومهما الليالي عليك تقسي
مسيرها تروق وتتعدل
والحال في لحظه بيتبدل
عيش وحب الحياه
دوس علي الوجع والاه
وخلي الايمان طوق النجاه
وفتح عنيك
هتلاقي الدنيا بتتضحكلك
واحلامك جواك بتدفيك
والفرحه بتسكن قلبك
والحب يعيش من حواليك
يا بكره امتي هتيجي مستنيك

احساس بيشدني

احساس غريب اوي بيشدني للمدونه لدرجة اني لو عدي عليا يوم

من غير ما ازورها احس ان ناقصني حاجه واحس اني مش مرتاحه

بحس انها الحضن اللي بترمي فيه ,المكان اللي بقدر اقول فيه كل حاجه جوايا

وحساها حواليا , ولما اغيب لفتره معينه ببقي نفسي ارجع بسرعه اوي عشان

اكتب فيها وازورها كأنها جزء مني ,دلوقتي عرفت بس قيمة التدوين والكتابه.

تعالي نلضم اسامينا

تعالي نلضم أسامينا ..الفله جنب الياسمينا

حاسس يا دنيا

حاسس يا دنيا

انك هنا تندهيني

وبعد احزان السنين جايبه عيد

هتضحكي بحقيقي وتزهزهي

ولا دا حلم سعيد واخدني لبعيد

عيش بالحب

الحقيقه هي الروح

والروح هي الاحساس

والاحساس هو الحب

والحب هو الدفا

والوفاء والصدق والاخلاص

هو الخير والود والصفا

ودوا من بعد الجراح

وشمس بتطلع كل صباح

وغنا وامل وهنا وافراح

وقلب مليان طيبه وسماح

ونور مالي الدنيا علينا

واحساس صافي جوانا مدفينا

وليالي جميله تحلو بينا

وفرحه تسكن جوه عنينا

تعوضنا عن كل اللي كان

تملانا ود وشوق وحنان

يا كل انسان

عيش بالحب

عيش بيه طول الزمان

هو سلاح القوه والامان

كنت فين يا حلم

كنت فين

استنيتك يا حلم من سنين

ويا تري هتاخدني لفين

لحزن تاني ولا فرح وحنين

دا قدر مكتوب علي الجبين

رجعتنا.....فرحت قلبنا

بعد ما كان حزين

شوقتنا......داويت جرحنا

من بعد عذاب واّلام

وهي دي الدنيا والايام

حلم يضيع وحلم يجيي قدام

ناس تروح وتبيع

وناس تيجي قوام

جايه معاها الفرح والاحلام

والنور من بعد الضلام

والحب عمره ما كان كلام

ولا عمره كان كدب واوهام

دا الحب فرح وهنا وسلام

اكتب يا قلبي اكتب وقول

ولو حتي جفت الأقلام

الليله ليكي

وهاغني الليله ليكي

علشان ضحكه عنيكي

وهاملي الكون عليكي

حب وفرح وغنا

الحب والامل

ادفع عمرك كاملا
لإحساس صادق وقلب يحتويك
ولا تدفع منه لحظة
في سبيل حبيب ...هارب
أو قلب تخلى عنك بلا سبب

لا تحزن إذا جاءك سهم قاتل من أقرب الناس إلى قلبك
فسوف تجد من ينزع السهم ويعيد لك الحياة و الابتسامة

لا تحاول البحث عن حلم خذلك
وحاول أن تجعل من حالة الانكسار بداية حلم جديد

لا تقف كثيراً على الأطلال
خاصة إذا كانت الخفافيش قد سكنتها والأشباح عرفت طريقها
وابحث عن صوت عصفور
يتسلل وراء الأفق مع ضوء صباح جديد

من يعيش علي الامل لا يعرف المستحيل

ابتسامة الامل اقوى من جميع العقبات

منقـــــــــــول

نشوة امل

أيام مره بتعدي

وليالي صعبه تمر علينا

ويموت حلم قديم

ويصحا حلم جديد يدفينا

ودنيا في لحظه بتتغير

نقابل ناس تجرحنا

ونلاقي ناس تداوينا

نعيش سنين تريحنا

بعد سنين توهنا فيها وشقينا

وتتولد ذكري جميله

تمحي ذكري حزينه أليمه

يجينا فرح يسكن قلوبنا

وامل للهم والحزن ينسينا

واهي دي الدنيا

عمرهاعلي حال ما ترسينا

تبكينا لجل ما تفرحنا

وتفرحنا لجل ما تبكينا

يارب تتحقق امانينا

وتحلو ايامنا بينا