السبت، 30 أكتوبر 2010

مشوار طويــــــل


اوقات ببكي من غير دموع
اوقات بصرخ وصوتي مش مسموع
ويا عيني عليك يا قلبي يا موجوع
الحزن ساكن ومعشش ف الضلوع
والاحلام راحت وانطفت كل الشموع
وكأني زي طير مالزمن مدبوح
تايه بيفرفرمن حلاوة الروح
حتي العيون اتكلمت من كتر الجروح
وكابوس ضلمة ف قلب الليل
وحياه مره ومشوار طويل
كله ألم وعذاب وويــــــــل
ودنيا قلابه بتتغير
وزمن قسوته بتحير
وايام بارده كلها جفا
وقلوب محتاجه ود ودفا
وقلوب تعبت من كتر الاّّّّه
وهي دي الحياه
قصص وحكاوي وعبر

الجمعة، 29 أكتوبر 2010

دالياااااااااااا


انا فرحانه قوي النهارده ومبسوطه
لقيت نفسي بجري علي المدونه وعاوزه اكتب واقول
لاغلي انسانه وصديقه في حياتي واطيب قلب
مبروووووك يا داليا يارب يسعدك يا حبيبتي يارب
ويعوضك ويفرح قلبك يارب
ويارب نفضل دايما صحاااب يارب ويدوم الحب بينا
تحيااااااااتي يا داليا
ومعدش فيه احلام ضائعه بقي باذن الله خلاص

الخميس، 28 أكتوبر 2010

حيره وضلام


في ناس فاكره ان المشاعر لعبه عشان يلعبوا بيها
وناس بتتمني روح تحبها وقلب مخلص يحافظ عليها
في ناس بتدوس علي ناس بتحن ليها
وناس بتتمني حد يضمها ويخاف عليها
في ناس عماهم غرورهم عن الحب والاحساس
وناس قلوبهم مليانه حب ودفا واخلاص
في ناس قلوبها حجر بتقسي علي الكل
وناس قلوبها حجر من كتر الذل
في ناس تاخد تاخد من غير حساب
وناس تدي ولا تاخد الا العذاب
في ناس محتاجه حد يداويها يدفيها
وناس عايزه قلوب تحبها عشان تجرح فيها
في ناس جواها طيبه وخير وحب ورضا
وناس جواها حقد وغل وقسوه وجفا
في ناس زي النجوم عاليه تستاهل
وناس رخيصه باعت نفسها بالساهل
والدنيا نــــــــــــــــــاس وناس

الاثنين، 25 أكتوبر 2010

مليون اااه


بالراحه عليا يا دنيا شويه
مالك كداا دايما جايه عليا
مش حسه اي شئ من حواليا
ولا شايفه حاجه غير الاّسيه
قلبي موجوع من قلة الحنيه
والجرح نزف وعلم فيا
عيوني بتتكلم من الاحزان
وروحي بتتعذب في كل مكان
مكتوب علينا يا زمان
نشوف منك القسوه والحرمان
مكتوب عليك يا قلبي
تشيل من الهموم بركان
تكتم جواك مش قادر تقول اااااه
ومليون اه منك يا حياه
وياتري ايه نهاية المشوار
وياتري لفين واخدنا معاه

السبت، 23 أكتوبر 2010

سأنتظر؟؟؟؟؟؟؟


انتظر ما زلت انتظر وسأنتظر الي ان تأتي ايها المجهول الذي لما اراه من قبل
سأنتظر حتي تأتي ولكن؟؟؟؟؟؟؟
هل ستكون نور يملئ حياتي ويعوضني عن جراح الزمان ام ستكون وهم
عشت داخله علي مر الزمان؟؟
هل ستكون حقيقه واضحه اراها بعيني ام ستكون سراب عشت به في خيالي؟؟
هل ستكون دواء للجراح وامل بعد العذاب ام ستكون طيف اتاني في منامي وحلمت
به لثواني ؟؟؟؟
هل ستكون نبع الحب والخير الذي حرمت منه ولم اراه قط ام ستكون سبب
لعذابي واهاتي طوال حياتي التي لم اعلم منتهاها؟؟
هل ستكون احساس دافئ ام ستكون احساس منعدم وقلب جاف لا يعرف معني
الود والحب؟؟
ولكني؟؟؟؟؟؟؟؟
ما زلت احلم بالغد وما زلت انتظر مصيري الذي لا يعلمه الا ربي
ما زالت اتمني ان احيا ولو للحظات
احيا بلحظة ود وحب صادقه يملؤها الطهارة والاخلاص
ولكن؟؟؟؟
لا اعلم ما الذي ينتظرني ؟؟؟
سأنتظر الي ان ينتهي عمري؟؟؟؟؟؟؟؟؟؟؟

الجمعة، 22 أكتوبر 2010

برد الليل


وجع في القلب
وسنين مره وشقي وغلب
قلوب مليانه حزن وجفا
محرومه من حنان الحب
قلوب تخاف تصدق حلمها
تخرج منه بألم وعذاب
تخاف تعيش جوا امال
وتطلع في الاخر سراب
تخاف تصدق احساسها
ويكون في الحقيقه وهم كداب
وف عز خوفها محتاجه
ايد حنينه تتمد ليها
تاخدها تضمها تطبطب عليها
من نبع الحنان تسقيها
وبالحب زي زهره ترويها
من برد الليل تدفيها
واه من برد الليل

الخميس، 21 أكتوبر 2010

يا طير يا طاير


يا طير يا طاير
مالك في الكون حاير
دايرتدور في دواير
تايه حزين محتار
مجروح متغرب في المشوار
وف قلبك هموم واسرار
بترقص من الالم عالاوتار
عايش بجناح مكسور
والدمع في عيونك يملي بحور
عايش مهموم حيران
وف ضلام الليل سهران
محروم ودايب في الاحزان
شريد ف الدنيا ملكش مكان
وحيد بتدور علي الامان
خايف من قسوة الزمان
وامتي هتعبر ضلام الحرمان
امتي هتخرج بره دايرة الاحزان

الثلاثاء، 19 أكتوبر 2010

سبحانك ياربي


لما تحس انك مهموم
وتزيد من حواليك الغيوم
افتكر دايما ان لك رب اسمه القيوم
لما تحس انك تعبان
وملكش في الدنيا مكان
افتكر دايما ان لك رب اسمه الرحمن
لما تكتر جواك الاحزان
وتسكن في قلبك الالام
افتكر دايما ان لك رب اسمه السلام
لما تحس انك محتار
تايه متغرب في المشوار
افتكر دايما ان لك رب اسمه الجبار
لما تحس انك مهزوم
من طعم الفرحه محروم
افتكر دايما ان لك رب اسمه الرحيم
لما تحس انك مظلوم
وصوت صرختك جواك مكتوم
افتكر دايما ان لك رب اسمه الحق
سبحانك يارب العالمين

السبت، 16 أكتوبر 2010

اه من حكم القدر


دموع نازله من العيون مطر
وقلوب من عذابها صبحت حجر
وااه من الدنيا واّااه من قسوة البشر
واه من حكم القدر
تايهين في الحياه ما بين غربه وسفر
حياري عاشقين ليل السهر
من الهموم هربت ضحكتنا
ومن الاحزان جفت دمعتنا
وهو دا نصيبنا وهي دي قسمتنا
عايشين في انتظار فرحتنا
لجل ما تنور ضلام سكتنا
وترسم في عيونا بسمتنا
تداوي كل جراحنا ومواجعنا
وترجع لينا امانينا واحلامنا
الي راحت مع الزمان
واه منك يا زمان

الأربعاء، 13 أكتوبر 2010

غصب عني واعمل ايه


غصب عني انا انسان
نفسي ادوق طعم الفرح
وابعد عن ضلام الاحزان
غصب عني نفسي اغني
واطير وارفرف في كل مكان
غصب عني قلبي بيوجعني
وبيتمني ينسي كل اللي كان
غصب عني نفسي اعيش
واّلام جوايا مبتنتهيش
وقلبي من عذابه صبح مفيش
غصب عني مش بايدي
احزاني ساكنه فيا
زي الدم بتجري في وريدي
غصب عني عاوز اتهني
واعيش ولو يوم في الجنه
جنه فيها حب ودفا
ودنيا مليانه ود وصفا
غصب عني واعمل ايه
غصب عني واعمل اييييه

الثلاثاء، 12 أكتوبر 2010

كفاااااااايه


حاسس اني وحيد
عن كل الناس بعيد
عايش لوحدي جوه حلمي
جوه حلمي العنيد
تايه في الدنيا شريد
كفايه بقي يا قلبي
كفايه عذاب وجراح
طول عمرك ساكت ومخبي
ولا بيهل عليك الصباح
خايف دايما مالمستخبي
ولا دوقت في يوم افراح
كفايه بقي يا قلبي
عيش وافرح وغني
وانسي كل اللي عدي وراح
كفايه بقي يا قلبي
كفاااااااااااااااايه

الأحد، 10 أكتوبر 2010

وجع الغربه


لامتي يا دنيا هتجرحينا
ولحد فين هتودينا
لسه تاني هتكسري ايه فينا
كل يوم والتاني توجعينا
وفي قلوبنا بخنجر تطعنينا
لطريق الحلم بتاخدينا
وف نص الطريق ترمينا
للوهم والعذاب تسبينا
تدوسي علينا وتغربينا
تايهين مش عارفين
راسنا من رجلينا
ونبص نلاقي الحزن حوالينا
ولا حد داري باللي فينا
نلاقيكي قاسيه اوي علينا
ولا يوم بتاخدي بايدينا
وياتري لفين لسه هتودينا
ياتري لفيييييين؟؟؟

الخميس، 7 أكتوبر 2010

مليش غيرك ياااارب


حسه اني عاوزه اكتب واتكلم كتير عن نفسي والاقي حد يسمعني , ومحتاجه
الاقي حد يحسني ويفهمني حسه بوحده فظيعه لأول مره بشعر بمرارتها
مش حسه حد جنبي قلبي دايما حاسس انه لوحده ,حاسه اني حياتي فاضيه
ومليانه قاسيه ,مش قادره اقرب من حد دايما حسه بالخوف حسه بقسوة
شديده من اللي حواليا لدرجة اني بقيت وسطهم كأني غريبه
حتي لما بقرب منهم بحس انهم بيبعدوا عني ولما بحب حد بأخلاص
بيرميني ولا ببقي اي شئ عندهم , بقيت عايشه مستنيه بكره
اللي معرفش شكله ايه حلو ولا مر.مش لاقيه الحب ولا الحنان
اللي عشت بدور عليهم واللي ياما اتحرمت منهم ,الناس فاكره ان
الحياه ماده وفلوس وبس وكانها اصبحت هدف عايشين عشانه
ونسيينا نعيش حياتنا بجد وبصدق . حاجات كتير قوي في قلبي
بتوجعني بتكبر جوايا كل يوم لحد ما ملت قلبي وبقت حته مني
وجودها فيا منع عني اي احساس بلحظه فرح لما تجيني
بس نصيبي كدا من الدنيا وانا راضيه بيه مليش غيرك يارب
انت احن عليا من اي حد.

الثلاثاء، 5 أكتوبر 2010

ومازلت احلم بالحب


احلم......احلم
وبلاش تبطل تحلم
احلم وعيش واتمني
تبني من الحب جنه
وتعيش في حنانه وتتهني
بحلم كتير في منامي
وبشوف سعادتي في احلامي
جايز يوم حلمي يتحقق
ويبقي حقيقه قدامي
جايز بكره يضحك لي
وينور لي كل ايامي
جايز يبدل حزني
ويرجعلي الفرحه من تاني
احلم حتي لو من الخيال
دا ربك كبير ومفيش في الدنيا محال
قادر يغير الاحوال
ويبعد عنا العذاب والاهوال
واحنا ايه في ايدينا
غير اننا نحلم وبس

السبت، 2 أكتوبر 2010

هموم


ايه يا دنيا
مالك قاسيه كدا علينا
غداره و قلابه
عماله تبيعي وتشتري فينا
حقيره تافهه وكدابه
بتاخدي منا اكتر ما بتدينا
دايما تجرحينا وتبكينا
وطول عمرك جايه علينا
خدينا للفرح ودينا
وفوق في السما مرجحينا
وبلاش علي الحامي تاخدينا
كفاياكي ضرب بقي فينا
ريحينا بعد ما كسرتينا
ضمينا بعد ما فرقتينا
خدينا للفرحه خدينا
وسيبيها تحلي كل ليالينا

الجمعة، 1 أكتوبر 2010

ايه هو ؟؟؟؟؟

ايه؟؟؟؟؟؟؟؟؟؟؟؟؟؟؟؟

في الدنيا كتير مجروحين


عيون ما تعرف النوم
وقلب من الزمن مظلوم
لا عمره يوم اتهني
ولا داق الفرحه يوم
ضاع عمره كتير واتمني
حد يدفي قلبه المحروم
وليالي كتير استني
شمس تنور حياته وسط الغيوم
تايهين في بحر الحياه
ما بين عذاب وااااّه
شايلين في قلوبنا اّلام
موتت كل الاحلام
في الدنيا كتير مجروحين
للحب والحنان مشتاقين
عايشين جواهم حنين
ويا عيني عليهم مساكين
ايوه الله مساكيــــــن