ايـــــــــــــــــــه

ايه يا بشر

ايه جرالنا ايه

بقينا كده ليه

قلوب مليانه غل

وقسوة ملهاش حدود

وغدر وخداع

وغش وخيانة عهود

لا مرتاحين ولا مبسوطين

ولا متهنيين ولا طايلين

الكره ملي قلوبنا

والغرور مالي نفوسنا

والشر اكل عمرنا وحياتنا

وخد احساسنا وروحنا

علي فين هنروح مهما كنا

علي فين هنروح مهما روحنا

ازاي نعيش مبسوطين مرتاحين

من غير احساسنا وروحنا

يا مين يادوي جروحنا

ملناش غيرك يداوينا

يا مالك روحنا

علي شط البحر

وانا واقف علي شط البحر
وشوشته قلتله سري
قالي ببكره احلمي واستني
واندهي للفرحه وقليلها طلي
ويا شمس الحب هلــي
قلتله محتار انا محتار
من الايام ومن المشوار
خايف اسكن في الحلم الوردي
ياخدني لألم وجروح ومرار
ولكن كل شئ مكتوب مش اختيار
رد وقالي عيش واتمني
واصبر وارضي واتأني
واتمسك بحلمك واستني

بكره تنول وتتهني
دا بعد كل نهاية بدايه
وبعد كل بدايه نهايه
وهي الحياه كده
بدايه ونهاية

؟؟؟؟؟؟

مستني يا دنيا
مستني من زمان
مستني الحب والدفا
والراحة والأمان
مستني بعد الحزن
اللي انتهي.......
لما عشش في كل مكان
مستني رغم الحب
اللي اختفي.....
من برد القلب وقسوة الناس
والدنيا والأيام
مستني طول عمري بدور
جوه البشر اللي حواليا
ومش لاقي اللي بدور عليه
مستني الشئ اللي كنت
ولسه محتاجاه
بس للأسف مش لاقياه

القلوب أتحجرت
والدنيا قتلت الشعور والإحساس
ونسينا إحنا ايه في الأساس
مستني وهفضل مستني
وربنا يحقق لي اللي بتمناه

ويهدي كل الناس

يا كل قلب طيب

القلب الطيب ... قلب حنين ... قلب قريب ... قلب كبيــــر

زي البحر لما بيوفي... ولما بيدي بيدي كتـــــير

ولا عمره بينقص ولاعمره بيخلص دايما ملايان ملايان ملايان بالخير

ولاعمره بيقسى ولايعرف ينسى دايما بيسامح بيسامح من غير تفكير

ده القلب الطيب الطيب القلب الطيب

القلب الطيب بيسلم أمره علشان أحبابه بيضحي بعمره لو قلبك يهواه سيب قلبك معاه لا يمكن يجرحه

بيحس بغيره ويخاف على طيره بيحب بروحه وبكل ضميره

قلب حبيب الكل أبيض زي الفل أياك تجرحه

ولا عمره بينقص آآآه ولاعمره ولاعمره بيخلص دايما ملايان ملايان ملايان بالخير

ولاعمره بيقسى ولايعرف ينسى دايما بيسامح بيسامح من غير تفكير

ده القلب الطيب الطيب القلب الطيب

القلب الطيب عمره مايتغير ديه مشاعره بريئة ولا طفل صغير

كل ماتجرح فيه وقلبك يقسى عليه بيصون الهوى يرجعلك تاني يأمنلك تاني

وفي عز عذابه بيسامحك تاني أول ماتناديه على طول بيتلاقيه جايلك هوا

ولا عمره بينقص آآآه ولاعمره ولاعمره بيخلص دايما ملايان ملايان ملايان بالخير

ولاعمره بيقسى ولايعرف ينسى دايما بيسامح بيسامح من غير تفكير

ده القلب الطيب الطيب القلب الطيب

بحر الحيره

اه يا بحر الحيرة
والعقل مليان افكار كتيره
والقلب متشوق لحياة جميله
عن الحزن والوجع بعيده
بحلم انا وبتمني
رايح فين يا بكره استني
اديني فرحه وامان
عوضني عن كل اللي كان
واه من حكم الايام والزمان
دي الدنيا بحر كبير غدار
موجه تفرحنا موجه تجرحنا
ومش بأدينا نختار
مستني بكره
بكره اللي مليان بالاسرار
مستني ..........مستني
وعلي موعد قادم مع الايام

قلب جرئ

وبحلم يجمع ما بينا طريق
طريق مليان سعادة وخير
بحلم ألاقي قلب برئ
اطير معاه زي الطير
وبحلم يجمع ما بينا طريق
واعدي بحور الليل الغميق
وواجه الحياه بحق وحقيق
وبحلم يجمع ما بينا طريق
وبحلم الاقي قلب صديق
قلب طيب قلب جرئ
قلب يسقيني محبة وعطف
قلب يخطفني من الحزن خطف
وبحلم.........

بحلم يجمع ما بينا طريق

وخايف احلم

هي ايه الاحلام
دايرة اماني بنلف فيها
ولا سلاسل من اوهام
بنتشعلق فيها
وخايف احلم انجرح
والقلب طول عمره مليان جرح
بيحلم بالدفا والامان
ومتشوق يدوق طعم الفرح
لكن ارجع واقول لا
الحلم غير الحقيقه
عيش وارضي واصبر
واستني نصيبك
متنجرفش في تيار الخيال
اصل الدنيا كده
لا بتريحنا ولا بترسينا علي حال
افرجها يارب
يا عالم بالحال

سلسلة افكار

فكره دايره ورا فكره
تايهه بتدور علي بكره
ناسيه الالم والذكري
فكره بتكون افكار
والعقل دايما محتار
والقلب مليان اسرار
واحلام مستنيه
في محطة الانتظار
ومحدش لنصيبه بيختار
هي كده الحياه
جنـــه ونــــــــار
خلاص تاه مني الكلام
ومش عاوز اعيش تاني
جوه متاهة اوهـــام
وبكره كل شئ
راح تظهره الايـام
راضي بحكم القدر
وتعبت من طول السفر
اااااه يارب تعبت

احلم بالجاي تعيش مرتاح

عيش وقتك عيش ايامك
الدنيا براح قدامك
و الضحكه تهون اى جراااح
على ايه تنزل دمعاتك
لو يوم عداك او فاتك
احلم بالجاى تعيش مرتاااااح
الدنيا لو جارحه
لونها لون فرحه
مه ايه بيطول عمر الواحد غير
غير الفرحــــــــــه
الماضى و كل الذكره
استنى بدالهم بكره
افتح حضنك للعالم
حب و متحبش تكره
الدنيا لو جارحه
لونها لو فرحه
مه ايه بيطول عمر الواحد غير
غير الفرحــــــــــه
الدنيا بكل ما فيها
عيش فيها احلى ما فيها
اختار اللحظه الحلوه
و اللحظه المره ارميها
الدنيا لو جارحه
لونها لون فرحه
مه ايه بيطول عمر الواحد غير
غير الفرحـــــــــــــــــه
عيش وقتك عيش ايامك
الدنيا براح قدامك
عيش وقتك عيش ايامك
الدنيا براح قدامك
و الضحكه تهون اى جراح
على ايه تنزل دمعاتك
لو يوم عداك او فاتك
احلم بالجاى تعيش مرتاح
الدنيا لو جارحه لونها لو فرحه
مه ايه بيطول عمر الواحد غير
غير الفرحــــــــــه

منير

يا طيب

يا اعز واغلي واطيب قلب فسر للعالم معني الحب وان شاوروا وقالوا عليك طيب

خليك هنا من قلبي قريب وكفاية تكون انسان في زمان فيه طيبة القلب بتتعيب

يااااااا طيب

انغاااااااام

قلاب

خايف يا بكره
وعارفك يا زمان قلاب
بتمرجحنا وتطوحنا
بس النصيب هو الغلاب
وهعمل ايه اديني صابر
مستني بكره وقلبي بيعافر
وهعمل ايه مش بأيدي
لكن مش هاخد غير نصيبي
عشت عمري بالحب والخير حالم
وربنا كبير اوي وعالم
هو اللي قادر علي كل شئ
وبقول ياربي من قلبي
راضي...راضي
ونفسي افرح
يااااااااااااارب

بقول يارب

يارب
مش هقول غير يارب هو اللي قادر يحقق لي اللي بتمناه
هو اللي قادر يرزقني ويعوضني عن كل اللي فات,
وقادر يحقق لي حلم كبير اتخلق في وقت قصير ,بجد
بقول من قلبي يارب فرحني قريب مش مهم كل اللي فات
والماضي والذكريات بايماني بيك وبقدرتك غيرت
حالي من حال الي حال مختلف ,بقدرتك العظيمة علمتني
حاجات كتير مكنتش شايفاها بقلبي وعرفت حقايق الناس
بقدرتك العظيمة نجتني من الغرق ,بس رغم كل ده
في حاجه واحده عشت بيها السنين اللي فاتت وهعيش
اللي باقي من عمري بيها ان شاء الله الحاجه دي هي الحب ثم الاخلاص
ثم الصدق ثم الرضا. مهما اتكلمت مش هقدر اوصف كل الاحاسيس اللي
انا عشتها واللي اثبتت لي الحقيقه دي بالفعل والله حقيقه مش كلام
وفي الاخر بقول يارب قدم لي الخير

فانت اعلم بكل شئ ولا شئ سواك يارب العزة والجلال.

احلام بتكبر

بحلم الاقي بكره
بحلاوته يمحي اللي فات
وينسينا كل الماضي
ويمحي حتي الذكريات
زهرة الحلم بتكبر جوانا كل يوم
والامل عايش ويانا
ناسي كل الألام والهموم
واخدنا لأحلام تانيه جديده
وبيشد قلوبنا لاحاسيس سعيده
قلوبنا اللي عافرت كتير وعاشت
برغم عذابها سنين كتير فاتت
من كل قلبي بقول سلام
لماضي فات خد كتير مننا
وعذبنا كتير شهور وايام
قلوب كتير بتموت
واحلام كتير بتموت
وكل البشر بتموت
بس الحقيقه عمرها ما بتموت

منطق غلط

هو الإنسان يبقي كويس إذا كان مريش زى ما بيقولوا
وعنده وفيلا وعربيه و بيلبس كويس وشيك كده يبقي عالي المقام
وتمام التمام ,واذا كان فقير وكحيان بردو زى ما بيقولوا ومعندوش
لا فيلا ولا حتي عربيه كده يبقي ملوش قيمه في نظرنا.
واحد من عيلة الباشا فلان والبيه علان نحترمه ونعمله الف حساب
ونلبيله طلباته فورا, انما لو كان إنسان مش من عيلة الباشا فلان
ولا البيه علان نديله بالجزمه ونمرمطه, حتي المحبه والطيبه
بنسميها خيابه وهبل بس اهبل احسن من كداب ومنافق, الحب
اتزيف معناه وسط الكدب والقذاره
اللي احنا عايشين فيها تحت أي منطق بنتصرف كده وفين العقل
للناس اصحب العقول اللي بتفكر يقول ان ده صح دا المنطق نفسه
غلط, ابسط مثال إذا كان عندي أي جهاز شكله مبهر من
الخارج لكن من داخله خارب او لا يعمل يبقي إيه قيمته وفايدته.
مسألناش نفسنا سبب الحياة الضايعه اللي احنا عيشينها,
والمهازل اللي كترت دي سببها ايه سببها اننا عايشين بمنطق
غلط ,ان ربنا مش راضي علينا ,بنتعلم الكره بدل ما نحب بعض
وبقينا اشر من الشياطين, وفي النهايه مفيش أي حاجه
هتبقي لينا لا فلوس ولا عربيات ولا أي حاجه اللي عملناه بس
هو اللي هنتحاسب عليه, ربنا يهدينا جميعا ويحمينا وكمان نغير
المنطق وده كله بالقرب من ربنا ورضاه.

زي الشمس

تسوي ايه الدنيا من غير احساس
لا بنفكر وتايهين كده وخلاص

ولا حد فينا فاهم اي حاجه
الوهم مسيطر علي قلوبنا
والكدب ساكن في نفوسنا
والغرور بيجري في دمنا
ولا حد بقي بيهمنا
مع ان الحقيقه واضحه زي الشمس
ثابته النهارده وبكره وامس
والسراب مسيره يوم ماشي
والصدق هو اللي باقي
دايرين نلف في سواقي
الدنيا عمرما هيملكها حد
دي ملك ربنا وبس
ومهما شفت من البشر
عيش بالحب واتمني وحس
وقرب من ربك دايما
هو اللي هيفرحك وهيحميك
وهيصونك
من شر الدنيا والنفس

صفا الروح

دنيا عامله زي البحر
قلابة بتلعب بينا
شويه فوق وشويه تحت
ولا علي حال بتخلينا
ساعه تفرحنا وساعه تبكينا
ومش عارفين بكره ايه هيجري لينا
تشقينا لجل ما تفرحنا
وتفرحنا لجل ما تشقينا
واه من طعم الفرحه بعد الشقا
ويا سلام لما تحس الروح بالصفا
دا كل شئ في الدنيا بيعدي
الحزن بيعدي والفرح بيعدي
دا كل شئ في الدنيا محسوب
والنصيب غلاب وعلينا مكتوب
دا كل شئ في الدنيا بأوان
وهو ده طبع الحياة والزمان

سبحانك يا مغير الحال

وصحيت يا حلم من تاني
وخلاص هتروقلي يا زماني
وهاخد في الفرح مكاني
وهتربع علي عرش احلامي
وبعد عذاب سنين فاتت
هتاخدني الاحاسيس الحلوه والاماني
لحلم تاني
حلم زود النشوة في قلوينا
ونور الطريق قدامنا
ونسانا احزانا وهمومنا
وحلي مرار ايامنا
وخرجنا من جروحنا واوهامنا
والمولي قادر غير احوالنا
لانه عالم بصدق قلوبنا
ومشاعرنا واحاسيسنا
واللي راح زمان ربنا بيعوضهولنا

سبحانك يارب الحكمه

بحلم

ليه كل الناس بتتكلم على كل الناس, ليه عايشه حياتها بتتسلا بكلام وخلاص

حتى إنا أوقات بتاخدنى حالات واهمس بحاجات ولا ليها أساس وكلام وخلاص

وازاى من غير إحساس وضمير هنلاقى طريق ومنين ومنين

وقلوب الناس اغراب هنلاقى صديق لا هقول من تانى كلام ولا حهمس تانى خلاص

دة العمر يادوب ايام اة من جرح الإحساس

لية كل الناس بتتكلم على كل الناس لية عايشة حياتها بتتسلا بكلام وخلاص

حتى انا اوقات بتاخدنى حالات واهمس بحاجات ولا ليها اساس وكلام وخلاص

بحلم .. بحلم لو يوم الناس بقلوبها تحب الناس

وأتمنى .. وأتمنى نعيش وتكون كلمتنا من الاحساس

ونعيش والحب يدوم وندوب كلنا اخلاص ولا نجرح بعض فى يوم وقلوبنا تكون للناس

لية كل الناس بتتكلم على كل الناس ليه عايشة حياتها بتتسلا بكلام وخلاص

حتى انا اوقات بتاخدنى حالات واهمس بحاجات ولا ليها اساس وكلام وخلا ص

لية كل الناس بتتكلم على كل الناس

اصاله

في الانتظار

ياللي اشترتونا بالغالي
مقامكم جوانا كبير وعالي
ونتمني نتهني معاكم
طول الايام و الليالي
ياللي قدرتونا وعززتونا
وللحزن والالم نسيتونا
في انتظاركم
لجل ما تفرحوا وتفرحونا
ومن المحبة والخير تسقونا
وبالطيبه والحنان تعيشونا
شارينكم زي ما اشتريتونا
وبنقولكم احنا في انتظاركم
وربنا يحميكم ويصلح حالكم
وربنا يجعل ايامنا الجايه احلي
واحنا في انتظارها

خليك برئ

خليك برئ
طول الطريق
وعدي الليل الغميق
وانت للحب والخير صديق
وبلاش تحتار
واعرف ان ليك رب كبير
هو اللي بيقسم وبيختار
خليك معاه طول المشوار
واللي يحبك حبه
وخاف عليه وراعيه
واللي ينساك سيبه
ومتشغلش بالك بيه
دا البايع هو الخسران
ضيعك من بين ايديه
واوعاك تذل لحد نفسك
ولايوم ترخص نفسك
وعيش وريح بالك ونفسك
بالحب والخير رضا
هتنول كل اللي في نفسك
وخليها علي الله

كلام ع الماشي

عارفين
عارفين اي اجمل حاجه في الدنيا كلها الدفا والامان انك
تحس انك عايش وسط ناس طيبيين مليانين احساس ومشاعر
نقيه طاهره ميعرفوش الغش والغرور والخداع ,ناس
متواضعه والاجمل لما تبتدي كمان حياتك تبدأها مع حد يحبك
حقيقي ويخاف عليك بجد. حد عمره ما يذلك ولا يجرحك وتبتدوا
حياتكم مع بعض علي الاساس ده الاساس اللي عمره ما يتهد
دا اذا كان فعلا حب حقيقي مبني علي الاحترام والأخلاص .
بس هي فين الناس دي اللي بتعرف تحب وتدي بأخلاص
فين الناس اللي بتعرف تحب غيرها عن نفسها, ياتري فيه ولو قلة قليله
اكيد طبعا فيه وربنا هو اللي بيجمع الناس الطيبه مع بعضها ,
هو وحده اللي بيبقي عالم بنوايا الناس وخبايهم وبيديهم علي قد
نييتهم ,في الدنيا بنقابل الوحش والحلو
الوحش عشان ربنا يخلينا نشوف حاجات نتعلم منها ويختبرنا
والحلو عشان يعوضنا عن الوحش .
وربنا يهدي الجميع

samar

انا فرحانه قوي النهارده ومبسوطه
لقيت نفسي بجري علي المدونه وعاوزه اكتب واقول
لاغلي انسانه في حياتي كلها
كل سنة وانتي طيبه بمناسبة عيد ميلادك ويارب يجعلها سنه سعيده عليكي
وكمان بقلك الف مبروك بمناسبة خطوبتك وبقلك ربنا يسعدك
ويوفقك ويبارك فيكي انتي وخطيبك وينور حياتكم
مبروك يا سمر ويارب نفضل دايما مع بعض واصحاب طول العمر

مسألة مبدأ

كل الجروح ليها دوى

يا طير يا حالم ف الهوى

اطوى الجناح على الجراح

واضحك ويلا نطير سوى

انا مش هبيع الصدق بالاكاذيب

ولا ااقولش للحمل الوديع يا ديب

ولا ااقولش للديب يا اعز حبيب

والصدق مهما عزّ

ف الازمة مش ههتزّ

ساعات يكون كتم الانين

أصدق

وانا مهما ااقع راح أقوم

ودي مسالة مبدأ

كل الجروح ليها دوى

يا طيريا حالم ف الهوي

اطوي الجناح على الجراح

واضحك ويلا نطير سوى

بيكدبوا الصدق اما

الكدب يتصدق

يا ليل

ياليل تطول بكره

تلقي الفجربيشقشق

انا في انتظار الصباح

انا احتوييت الجراح

وخلااااااااااااااااص

نسيت الي راح

ومن جديد هبدأ

ودي

مسألة مبدأ

علي الحجار

لا شئ غير الله

اصعب شئ لما يكون انسان عزيز علي قلبك وفي يوم
تلاقي مشاعرك اتجمدت من ناحيته ,بعد ما كنت دايما بتتكلم
عنه بقيت مش عاوز تسمع اي حاجه عنه ولا طايق تشوفه قدامك
بعد ما كنت بتحترمه وشايف بصورة فجأة الصورة كلها بتتغير
يا تري!!!!!!!!!!!!!!
المحبه فعلا ممكن تحول لكره؟؟؟
في قلوب مهما داقت معني الظلم عمرها مبتعرف تقسي ولا تجرح ابدا
لانها قلوب صادقة مع نفسها قلوب مؤمنه بربنا, واثقه انه
هيعوضهم الافضل . قلوب بتحب بأخلاص وفجأه تلاقيهم وقعوا في حفرة
مش عارفين يطلعوا منها وكأنهم غرقوا خلاص لكن القرب من ربنا

بينور القلب و البصيره تبص تلاقي نفسك بعد ما كنت غرقان بقيت انسان تاني اقوي
القوه مش معناها اني اظلم وافتري علي ناس تانيه زي ما اتظلمت لا...
القوه معناها اني اتحمل واصبر اني اقدرت اتغلب علي الوجع والحزن
اني عمري ما هتعلم الغش والكبر والانانيه والظلم اللي شربت منه مش هدوقوا لغيري.
بقول لكل انسان طيب مخلص قاسي من تجربه مره اصبر وعيش دايما بالامل وارضي
بنصيبك وافرح لانك طول ما انت راضي ربك واهلك هيجيلك الخير وهيجيلك اللي
يقدرك ويفهمك صح ,وهيديلك كل اللي انت اديته لناس تانيه قلبك اختارهم غلط

ووقتها هيكون محبتك ليه اقوي لانك محتاج للمحبه دي
وربنا يبعد عننا اي غلط .

يا عيني عليكي يا طيبه

يا عينى عليكى يا طيبة

لما بتضيعى منا

لما بنصحى نلاقينا بقينا حد غيرنا

وف عز الإحتياج لحضن يضمنا

وف عز الاشتياق لحضن يضمنا

قادرين ازاي ندوس علي قلب حبنا

وبقينا ازاي كده

اجمل ما فينا قلب أصبح حتة حجر

إتعلم الخيانة واللعب بالبشر

ومين إختار لينا وإحنا إزاى رضينا

نعيش وحوش في غابة ونقول مكتوب علينا

وبقينا ازاي كده

واه من يوم هيجي مليان جرح وألم

هتدور الدايره بينا وهندفع التمن

وتصرخ مهما تصرخ ولا حد هيسمعك

مفيش مركب هتقدر بالعمر ترجعك

وبقينا ازاي كده

اسئله ملهاش جواب

ليه
بقينا بنعامل بعض كده كل واحد بينافق التاني
ومبقاش في حد نثق فيه؟؟؟؟؟؟؟؟؟؟؟
ليه
بقت الخيانه والظلم من طبعنا ولا حد
بقي بيهمنا كل واحد بيقول يلا نفسي؟؟؟؟؟؟؟؟
ليه
بقينا بنحب ناكل في بعض وندوس علي بعض
والقسوه بتجري في عروقنا ودمنا؟؟؟؟؟؟؟
ليه
دايما بنحب ناس متستاهلناش وبنضحي عشانها
مع ان في ناس تانيه تستاهل الحب والتضحيه؟؟؟؟؟؟
ليه
الممنوع مرغوب اللي قدمنا بنضيعه من بين ايدينا
واللي مش طايلينه دايما بعيد علينا؟؟؟؟؟؟؟؟؟
ليه
بقينا بندي بعض دروس في الانانيه والغرور
والكذب بدل ما ندي بعض دروس في الخير والحب؟؟؟؟؟؟؟؟؟
ليه
كل ما تحب حد يتكبر عليك وكانه فاكر انك ملك ايديه
يبيع ويشتري فيك كانك لعبه في ايديه؟؟؟؟؟؟؟؟؟؟؟؟
ليه
لما حد يخونا بنفضل نحبه ونضحي عشانه
مع ان وقتها ممكن يكون قدامنا حاجات كتير احلي
مش شايفناها؟؟؟؟؟؟؟؟؟؟؟؟؟
ليه
كله بقي بيبيع التاني عشان سلطة ونفوذ
حتي الاخ ممكن يبيع اخوه؟؟؟؟؟؟؟؟؟؟
ليه
الزمن بيرمي قلوينا في سكة غلط
كلها توهه وحيره وعذاب؟؟؟؟؟؟؟؟؟؟
ليه .... ليه .........وعشان ايه
اسئله ملهاش جواب

رمضان كريم

كل سنة والامة الاسلاميه بخير وسلام

بمناسبة حلول شهر رمضان المعظم

اعاده الله علينا بالخير واليمن والبركات

الانانيه لا تعرف الحب

انا وانا ثم انا هكذا الانانيه انا اري نفسي واحب نفسي وافضل نفسي
ولا اهتم الا بنفسي ولا اسمع الا صوتي ,واهم شئ في حياتي هو نفسي
فالانانيه تعمي العقول قبل القلوب تجعلنا لا نري حقائق معينه تجعلنا
نضحي باشياء غاليه ثمينه من الممكن ان تكون فيها سعادتنا الحقيقيه,
ولكن انانيتنا تجعلنا لا ندرك قيمتها بعقولنا ولا نحسها بقلوبنا ,فهي تجعل
الانسان شديد القسوه تجعله يظلم من حوله بكل بساطه لانه لا يري الا نفسه
ويخاف فقط علي نفسه ,فالقلب الاناني ليس له غالي او عزيز الا نفسه
فهو قلب لا يرحم ,قلب لا يعرف معني الاحساس المرهف ولا الحب
فهي مرض ممكن ان يصل بالانسان الي ان يخسر كل شئ حوله ويخسر
كل قلب احبه واعطاه بصدق .وفي النهايه يفوق علي صدمه
الله يحفظنا من شر هذا المرض ويملئ قلوبنا بحب الغير قبل انفسنا.

البقاء لله

امس علمت بخبر وفاة صديقة عزيزه عندي

في اخر سنة كلية طب بيطري ربنا يرحمها ويغفر لها

ويسكنها فسيح جناته ويرزق اهلها الصبر اللهم امين

وانا لله وانا اليه راجعون

رجعت تاني

بعد تفكير قررت اني ارجع تاني

واكتب خصوصابعد ما بدات ارجع لنفسي

وبدات اتجاوز المحنه بفضل ربنا والحمد لله

وان شاء الله هعافر واتخطي كل الحواجز

و هيجي اليوم اللي هكتب فيه لمن يستحق

تحياتي

سبحان الله العظيم

لا اله الا انت سبحانك اني كنت من الظالمين

هدي

يا دنيا هدي بلاش تمدي دا الود ودي تستني عندي

تديني فرحه تديني طرحة مقاسها قدي ولونها وردي

علي اسم مصر

علي اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب

احبكم

بصراحه انا مهما عبرت واتكلمت عن الاحساس ده,مش هقدر اوفيه حقه

الصداقه عطاء تحمل مسئوليه ,نعم مسئوليه احساس عميق

يتغلغل داخلك من الصعب في الدنيا ان تجده

الصديق الحقيقي هو من يفهمك ويخاف عليك ويهتم بشئونك

والاهم من ده كله انه يقف جنبك ميتخلاش عنك ابدا

وانت كمان متقدرش تتخلي عنه

هل ممكن الانسان اصلا لما يلاقي حد بيحبه بصدق

يتخلي عنه في ظل هذا الزمن البشع ,المحبه غذاء للروح

ودافع لكل شئ ناجح

حقا انها الحقيقه التي انا نفسي اعيشها

الصديق الوفي كنز كبير اوي ميقدرش يبيعك ابدا ولا يخونك

مهما حصل عشان اي حاجه رخيصه في الدنيا

لان جواه كنز حقيقي كبير وهو الصداقه والمحبه

فالكنوز الحقيقيه لا نفهمها ولا نعرف انها حقيقه فعلا الا عندما نحس

فعلا بقلبنا,القلوب التي للاسف تحجرت في هذه الدنيا

استحاله ان تصبح الدنيا جنه

الجنة في الدنيا وايضا في الاخره طريقها الحب في الله

انا بهدي البوست ده لاغلي واحلي واوفي اصدقائي

سمر ..ولاء..مروه...سونيا

ربنا يخليكوا ليا قوي

ويعطي كل انسان الاصدقاء الاوفياء

من رباعيات جاهين2

بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي

يا وردة قلبي معاكي في الريح لعب
لا تعبتي م الريح و لا قلبي تعــــــــب
احنا كده : نرتاح في صخب الجنون
و في السكون بنخاف قوي و نترعب
عجبي !!!

عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبي !!!

طال انتظاري للربيع يرجــــــــــــــع
و الجو يدفا و الزهور تطلــــــــــــع
عاد الربيع عرمرم شبـــــــــــــــاب
إيه اللي خلاني ابتديت افــــــــزع ؟
عجبي

عيني رأت عصفور ووياه ابـــــــــنه
بيحدفه في الريح و ياخده ف حضنه
نوبتين و تالت نوبه – عجبي عليهم –
كانوا سوا بيرفرفرا و يغنـــــــــوا
عجبي

يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي

يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي

دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي

الدنيا من غير الربيع مــــــــيته
ورقة شجر ضعفـــــــانه و مـــفـــــتــته
- لا يا جدع غلطان تأمل وشوف
زهر الشتا طالع فــــــــي عز الشـــــتا
عجبي !!!

في يوم صحيت شاعر براحه وصفا

الهم زال والحزن راح واختفي

خدني العجب وسالت روحي سؤال

انا مت ؟ولا وصلت للفلسفه

عجبي

انا كنت شئ وصبحت شئ ثم شئ
شوف ربنا....قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ
عجبي

فين الحقيقه يا خال

فين الحقيقة يا خال

تعبت علشنها القلوب

فى كل لحظة بحال

زى الشروق والغروب

واية فى القلوب يا خال

قلوبنا ليها سؤال

قلوب قلوب خاوية لا فيها خير ولا شر

وقلوب قلوب غاوية تجرح كتير وتضر

وابو الجليب صافى دافى

ولسانى مر

مور السوال يا خال للى تعبة فى الدروب

راح نعمل اية امال .....

نفتح بيبان القلوب

امرك غريب يا خال نفتح بيبان الخيال

قلوب قلوب شاردة تعرفش اية السر

فاردة الجناح فاردة تبحثلها على بر

وابو الجليب صافى دافى ولسانى مر

منيررررررررر

الله

سبحانك يا الله يارب الجمال والحق والخير يا خالق الجبال والبحار والشجر والطير
ياربي يارب كل شئ جميل يارب الطيبه والاحساس الله علي الاحساس
اللي من غيره متبقاش بشر بين الناس.ربي كل احمل لك من الحب العظيم
كم احمل معاني كثيره في قلبي تنطق بمدي عظمتك وجلالك .كم احمل
لك من الشكر علي نعمك التي لا تحصي .نعمك التي احسست بها
ومدي قيمتها كم تعلمت الكثير واحسست بمدي حبك لعبادك
وعطائك المستمر لهم يا كريم
تلك هي الكنوز الغاليه حقا.اكتب واعجز عن وصف مده ما يشعر
به قلبي من احساسه بعظمتك ومغفرتك وقدرتك علي كل شئ
ونورك الذي يملئ حياتنا جميعا نحن البشر.فانت
حياتنا ونورها ,انت فرحتنا وامالنا نصلي لك يارب دائما
ونسالك يارب ان تثبت قلوبنا علي دينك وتملؤها بالحب الصادق والنبل
والاخلاص والوفاء والحنان والرحمه والنور والامان والحقيقه .التي ليست كلمات
كما يظن بعض الناس .ولا نشكو الا لك يا الله
نسالك يارب ان تنجينا من شر الدنيا الفانيه وان تحمينا من شرور انفسنا
يارب يا كريم يا رحيم يا رحمن يا غفور يا ودود يا قدير ياوكيل يا
باقي يا حفيظ يارب.

امي

امي
امي يعني الحنان
امي يعني الدفا والاطمئنان
امي يعني الحب الحقيقي
امي يعني مشواري وطريقي
امي يعني مقدرش استغني عن حضنها
امي يعني انا روحي دايما بتروحلها
امي يعني انا روحي فداها
امي يعني تضحيه وعطاء مستمر
امي يعني القلب الحنين
امي يعني الدم اللي بيجري فيا
امي يعني بتحس بيا من نظرة عنيا
امي يعني اغلي شئ موجود حواليا
اليكي يا امي والي كل ام مصريه
كل سنة وانتي طيبه

فدائي

بجد انا بحب الاغنية دي قوي قوي لعبد الحليم حافظ

لان كلماتها حلوه قوي اغنية فدائي

فدائي فدائي
اهدي العروبه دمائي
واموت .......اعيش
ميهمنيش

وكفايه اشوف علم العروبه باقي
فدائي فدائي
وسط المخاطر..هناك مكاني
والنصر عمره...ماكان اماني
جوه المواقع...بين المدافع
وسط القنابل ....انسف اقاتل
واموت اعيش ما يهمنيش
وكفايه اشوف علم العروبه باقي
فدائي فدائي
لو مت يا امي متبكيش
راح اموت علشان بلدي تعيش
افرحي ياما وزفيني
وفي يوم النصر افتكريني
وان طالت ياما السنين
خلي اخواتي الصغيرين
يكوني زيي فدائيين يا اما
جوه المواقع...بين المدافع
وسط القنابل ....انسف اقاتل
واموت اعيش ما يهمنيش
وكفايه اشوف علم العروبه باقي
فدائي فدائي

من رباعيات جاهين

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي

يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي

يانجم..نورك ليه كده بيرتجف
هو انت قنديل زيت او تختلف

انا نجم عالي..بس عالي قوي

وكل ما انظر تحت اخاف انحدف
عجبي

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي

اناكنت شئ وصبحت شئ ثم شئ

شوف ربنا ..قادر علي كل شئ

هز الشجر شواشيه ووشوشني قال
لابد ما يموت شئ عشان يحيا شئ
عجبي

يا عندليب ماتخافش من غنوتك

قول شكوتك و احكي عن بلوتك

الغنوة مش هتموتك

إنما كتم الغنا هو اللي هيموتك

عجبي

يا للي بتبحث عن إله تعبده

بحث الغريق عن أي شيء ينجده

الله جميل و عليم و رحمن رحيم

إحمل صفاته ... و انت راح توجده

عجبي

لو فيه سلام في الأرض و طمان و أمان

لو كان مفيش و لا فقر و لا خوف و جبن

لو يملك الإنسان مصير كل شيء

أنا كنت أجيب للدنيا ميت ألف ابن

عجبي

إنشد يا قلبي غنوتك للجمال

وارقص في صدري من اليمين للشمال

ماهوش بعيد تفضل لبكره سعيد

ده كل يوم فيه ألف ألف احتمال

عجبي

إيديا في جيوبي وقلبي طِرب

سارح في غربة بس مش مِغترِب

وحدي لكين وَنسان وماشي كده

وبابتعد...ما اعرفش...أو باقترِب

عجبي

فتحت شباكي لشمس الصباح

ما دخلش منه غير عويل الرياح

وفتحت قلبي عشان أبوح بالألم

ما خرجش منه غير محبة وسماح

عجبي