الثلاثاء، 31 مارس، 2009

من رباعيات جاهين2



بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي



يا وردة قلبي معاكي في الريح لعب
لا تعبتي م الريح و لا قلبي تعــــــــب
احنا كده : نرتاح في صخب الجنون
و في السكون بنخاف قوي و نترعب
عجبي !!!



عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبي !!!



طال انتظاري للربيع يرجــــــــــــــع
و الجو يدفا و الزهور تطلــــــــــــع
عاد الربيع عرمرم شبـــــــــــــــاب
إيه اللي خلاني ابتديت افــــــــزع ؟
عجبي



عيني رأت عصفور ووياه ابـــــــــنه
بيحدفه في الريح و ياخده ف حضنه
نوبتين و تالت نوبه – عجبي عليهم –
كانوا سوا بيرفرفرا و يغنـــــــــوا
عجبي



يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي



يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي



دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي


الدنيا من غير الربيع مــــــــيته
ورقة شجر ضعفـــــــانه و مـــفـــــتــته
- لا يا جدع غلطان تأمل وشوف
زهر الشتا طالع فــــــــي عز الشـــــتا
عجبي !!!



في يوم صحيت شاعر براحه وصفا
الهم زال والحزن راح واختفي
خدني العجب وسالت روحي سؤال
انا مت ؟ولا وصلت للفلسفه
عجبي


انا كنت شئ وصبحت شئ ثم شئ
شوف ربنا....قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ
عجبي

السبت، 28 مارس، 2009

فين الحقيقه يا خال


فين الحقيقة يا خال

تعبت علشنها القلوب

فى كل لحظة بحال

زى الشروق والغروب

واية فى القلوب يا خال

قلوبنا ليها سؤال

قلوب قلوب خاوية لا فيها خير ولا شر

وقلوب قلوب غاوية تجرح كتير وتضر

وابو الجليب صافى دافى

ولسانى مر

مور السوال يا خال للى تعبة فى الدروب

راح نعمل اية امال .....

نفتح بيبان القلوب

امرك غريب يا خال نفتح بيبان الخيال

قلوب قلوب شاردة تعرفش اية السر

فاردة الجناح فاردة تبحثلها على بر

وابو الجليب صافى دافى ولسانى مر
منيررررررررر

الثلاثاء، 24 مارس، 2009

الله



سبحانك يا الله يارب الجمال والحق والخير يا خالق الجبال والبحار والشجر والطير
ياربي يارب كل شئ جميل يارب الطيبه والاحساس الله علي الاحساس
اللي من غيره متبقاش بشر بين الناس.ربي كل احمل لك من الحب العظيم
كم احمل معاني كثيره في قلبي تنطق بمدي عظمتك وجلالك .كم احمل
لك من الشكر علي نعمك التي لا تحصي .نعمك التي احسست بها
ومدي قيمتها كم تعلمت الكثير واحسست بمدي حبك لعبادك
وعطائك المستمر لهم يا كريم
تلك هي الكنوز الغاليه حقا.اكتب واعجز عن وصف مده ما يشعر
به قلبي من احساسه بعظمتك ومغفرتك وقدرتك علي كل شئ
ونورك الذي يملئ حياتنا جميعا نحن البشر.فانت
حياتنا ونورها ,انت فرحتنا وامالنا نصلي لك يارب دائما
ونسالك يارب ان تثبت قلوبنا علي دينك وتملؤها بالحب الصادق والنبل
والاخلاص والوفاء والحنان والرحمه والنور والامان والحقيقه .التي ليست كلمات
كما يظن بعض الناس .ولا نشكو الا لك يا الله
نسالك يارب ان تنجينا من شر الدنيا الفانيه وان تحمينا من شرور انفسنا
يارب يا كريم يا رحيم يا رحمن يا غفور يا ودود يا قدير ياوكيل يا
باقي يا حفيظ يارب.

الجمعة، 20 مارس، 2009

امي



امي
امي يعني الحنان
امي يعني الدفا والاطمئنان
امي يعني الحب الحقيقي
امي يعني مشواري وطريقي
امي يعني مقدرش استغني عن حضنها
امي يعني انا روحي دايما بتروحلها
امي يعني انا روحي فداها
امي يعني تضحيه وعطاء مستمر
امي يعني القلب الحنين
امي يعني الدم اللي بيجري فيا
امي يعني بتحس بيا من نظرة عنيا
امي يعني اغلي شئ موجود حواليا
اليكي يا امي والي كل ام مصريه
كل سنة وانتي طيبه

فدائي


بجد انا بحب الاغنية دي قوي قوي لعبد الحليم حافظ

لان كلماتها حلوه قوي اغنية فدائي


فدائي فدائي
اهدي العروبه دمائي
واموت .......اعيش
ميهمنيش


وكفايه اشوف علم العروبه باقي
فدائي فدائي
وسط المخاطر..هناك مكاني
والنصر عمره...ماكان اماني
جوه المواقع...بين المدافع
وسط القنابل ....انسف اقاتل
واموت اعيش ما يهمنيش
وكفايه اشوف علم العروبه باقي
فدائي فدائي
لو مت يا امي متبكيش
راح اموت علشان بلدي تعيش
افرحي ياما وزفيني
وفي يوم النصر افتكريني
وان طالت ياما السنين
خلي اخواتي الصغيرين
يكوني زيي فدائيين يا اما
جوه المواقع...بين المدافع
وسط القنابل ....انسف اقاتل
واموت اعيش ما يهمنيش
وكفايه اشوف علم العروبه باقي
فدائي فدائي

الخميس، 19 مارس، 2009

من رباعيات جاهين



خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي


يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي


يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي


أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي


إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي


نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي


يانجم..نورك ليه كده بيرتجف
هو انت قنديل زيت او تختلف
انا نجم عالي..بس عالي قوي
وكل ما انظر تحت اخاف انحدف
عجبي


كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي


اناكنت شئ وصبحت شئ ثم شئ
شوف ربنا ..قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ
عجبي


يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك
إنما كتم الغنا هو اللي هيموتك
عجبي


يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
عجبي

لو فيه سلام في الأرض و طمان و أمان
لو كان مفيش و لا فقر و لا خوف و جبن
لو يملك الإنسان مصير كل شيء
أنا كنت أجيب للدنيا ميت ألف ابن
عجبي


إنشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
عجبي


إيديا في جيوبي وقلبي طِرب
سارح في غربة بس مش مِغترِب
وحدي لكين وَنسان وماشي كده
وبابتعد...ما اعرفش...أو باقترِب
عجبي


فتحت شباكي لشمس الصباح
ما دخلش منه غير عويل الرياح
وفتحت قلبي عشان أبوح بالألم
ما خرجش منه غير محبة وسماح
عجبي

الله يا اجمل شئ


ما اجمل شئ في حياتنا نحن البشر,ما الشئ الذي يجعلك لا تشعر بائ شئ حولك
ما تفكرش يا تري إنا كلت ايه دلوقت ولا شربت إيه ياتري انا معايا كام وهصرف أد إيه

ايه الشئ اللي لو عشته مهما حصلك أي مشاكل او أي حاجه بتهون وبيبقي قلبك سعيد وراضي

بتشوف كل حاجة حلوه قدامك الحاجه اللي كنوز الدنيا وما عليها
متقد رش تشتريها مهما حصل متقدرش تشتريها لان مقدار غلاوتها كبير اوي كنز من
المولي سبحانه وتعالي .متقد رش تشتريها لأنها هي اصدق شئ في زمن لا شئ,زمن
باطل ,فاني ينظر للظاهر دون الاهتمام بالباطن .ليتنا نهتم بالباطن كما نهتم بالظاهر
الشئ اللي مترتب عليه كل معني وقيمة سامية خلقها ربنا عز وجل ,الشئ ده هو
المحبة والعاطفة الشئ اللي بيترتب عليه الأمان والمودة والإخلاص والوفاء ونبل الأخلاق
بيسمو بالروح والمشاعر الي اقصي درجه ممكنه .لو نحب فعلا بالفطرة حب حقيقي
لو بنخاف علي غيرنا زى ما بنخاف علي نفسنا وتهمنا حياتهم اكتر مننا نحس اد إيه
إن إحنا مستعدين نضحي بأرواحنا فداهم إحساس وليس كلام فقط,لو حبينا بعضنا فعلا
عمر ما هتبقي فيه مشاكل وللأسف مهما نقول مهما كانت الحقيقة قدامنا بردو بنسيبها
وتلهينا الدنيا لأننا من تراب وليس من نور,أجمل شئ لما تحس ان في حد حواليك
يفكر في مصلحتك اكتر ما بتفكر في نفسك ,يخاف عليك ويقدرك ويحترمك اوي
اكتر ما بيقدرك حد يتحملك في الصعب يبقي معاك في الحلوة والمرة وإلا ميبقاش بيعزك بجد

حد تحس انه قريب منك حد يقدم لك عطاء بلا حدود .عطاء بدون مقابل حد يفهمك يحسك
اد ايه مشاعر سامية .دي المحبه بتسعدنا أوي وبتسعد غيرنا اكتر
وده مش كلام زي ما بنقول واحد يقولك يا عم زمنا ده عاوز قلب ميت
ارمي عواطفك في الزبالة دوس علي قلبك علشان تعيش الزمن زمن ماده
مع الأسف دول بيعيشوا حياتهم ويموتوا بلا فائدة لأنهم متعلموش أي حاجه
وكل العطاء ده قبل ما يكون بين إنسان وإنسان فالعطاء ده في أيد
كل واحد منا ,ربنا رب الكون عز وجل لو تخيلت قد ايه مقدار حبه ليك
وعطاؤه ليك بلا حدود ,رب عظيم كريم اقل شئ لدينا ان احنا نصلي ليه ونشكره
بندعيلك يارب دايما تصلح أحوالنا وتنجينا وتقربنا منك أوي
ياكريم

الأربعاء، 4 مارس، 2009

الحب الحقيقي


الحب الحقيقي بصفه عامه اكبر واغلي نعمه من الله علينا فمهما استطعت
ان اوصف قيمته وجماله فلن استطيع وصفه.الحب الطاهر الفطري النابع
من القلب المبني علي حب الله .الحب الذي هو اساس كل شئ طاهر
ونبيل وهو الدفئ والامان والموده والاخلاص هو الفعل وليس الكلام.
فلو احببنا من قلوبنا سنخاف عليهم ونقدرهم
ونهتم بمصلحتهم نضحي بارواحنا فداهم لانريد ان نري احزانهم ونفهمهم
ونفرح جدا لفرحهم اكثر مما نفرح لنفسنا ولا نكذب عليهم ولا نخدعهم
ولا ننفاقهم ونؤثرهم علي انفسنا في كل شئ .....ولكن اين هذه القلوب
الان في مجتمع تاهت وضاعت فيه كل حاجه نبيله وجميله في زمن كله بيدوس
فيه علي التاني وكله بيدوس علي مشاعره لاجل مصلحته والشر بقي هو
الغالب. استشفوا كلمة الحب فقط من القاموس لكنهم يجهلوا ان وراء
هذه الكلمه معاني كبيره يجهلوا معانيها الحب الحقيقي مهوش عنتر وعبله
ولا روميو وجوليت ولكن الحب الحقيقي هو الذي
لا يموت ولا ينتهي هو النادر في هذا الزمن الباطل لانه حقيقي وليس باطلا

الثلاثاء، 3 مارس، 2009

في دايرة منير


منيرصاحب اكبرحدوته مصريه منير اللي غني للحلم
وقال حلمك لسه في ايديك حاول ميموتش فيك ولما
قال حبة صبر حبة حماس يبقي الحلم صورة وصوت وكمان
افتح شبابيك الحلم وافتح طريق لبكره .وعلي صوتك بالغنا
لسه الاغاني ممكنه ولما غني للامل وقال يا فجرنا يا سلسبيل
مهما تغيب راجع ولما قا ل خوفك مش قدر وهروبك مش طريق
قلوعك لو ورق ما تنجيش غريق.وكمان لما قال من قلمك
ارسم لونك والعايمة لازم ترسي وغيرها من الاغاني

منير تتسم اغانيه بطابع فريد من الاحساس القوي
فمن اغانيه التي احبها جدا اغنية الله يا الله و شبابيك وعلي
صوتك وبرج حمام ,حواديت ,بلح ابريم ,يا اسكندريه
,هون يا ليل,ربك لما يريد,عمرعيني,تترات مسلسل
اوراق مصريه وبرة الشبابيك والحب زي الطيوروعصفور وتعالي نلضم اسامينا
فهو شخصية تتسم بالبساطه والتواضع الشديد
بجد بنحب اغانيك اوي يا منير

الاثنين، 2 مارس، 2009

سبحانك


سبحانك رب الحق والاحساس والكمال
سبحانك يا خالق البحار والانهار والجبال
سبحانك يا خالق الشمس والقمر
سبحانك يا خالق الزرع والشجر
سبحانك يا خالق الاكوان
سبحانك يا خالق الانسان
سبحانك يا مطلع يا عليم
سبحانك يا غفور يا رحيم
سبحانك يا من تعلم كل شئ ولا يخفي عنك شئ
سبحانك يا قادر علي كل شئ
سبحانك يا من انعمت علينا باجمل النعم
سبحانك يارب الطيبه والحب والاخلاص
سبحانك يا عالم بقلوب الناس
سبحانك يا مالك الملك يا صاحب الامر
سبحانك فان لك الامر

سبحانك يا اقرب لي من نفسي


سبحانك يا عالم بما في قلبي وعقلي
فمن يسالك فانت مجيب
ومن يرجوك لا يخيب
رحمتك وسعت كل شئ
يا اجمل من كل شئ
يا الله
يا الله

الأحد، 1 مارس، 2009

مركب ورق قلبي


مركب ورق في البحر

والبحر قلبه كبيررررر كبيرر كبير

مركب ورق قلبي بتعاند المجادير

مركب ورق قلبي بتعاند المجادير

موج ياخدها لفووق وموج يطوحها

شطوط بتحضنها وشطوط بتجرحها

والبحر بجلاله كتير مبيسعهاش

مركب ورق قلبي اوان فرحها مجاش