الثلاثاء، 27 أبريل، 2010

معــــــــاكي


معاكى بضحك بصوت عالى
معاكى بضحك بصوت عالى
ومش خايف وانا عارف
قلبك من الحزن مش خالى
معاكى
بيفرحنى صوتك الهامس
اسرح لما نتهامس
فى صوتنا لما يتلامس
ويسرقنى نغم هامس
ويحلالى
معاكى
واحبك شمس فى بردى
تغطينى بالدفا الوردى
بحبك حلم على قدى
يااغلى يا اغلى ماعندى
وادى حالى
معاكى

السبت، 24 أبريل، 2010

اول مره افرح في حياتي


انا فرحانه اوي بيك ومعاك ربنا يتمم لينا علي خير
ويارب فرح كل اهلي واصحابي وزمايلي وحبايبي والناس كلها

الثلاثاء، 20 أبريل، 2010

بحبــــــك يارب


حاسس بالفرحه
حاسس بالخوف
واه منها الدنيا الجارحه
وانا قلبي علي بكره ملهوف
يا فرح كبير جاني
رجعلي الضحكه من تاني
يا حلم جميل عاش فيا
مسح دمعتي وضلل عليا
من بعد طول صبر الليالي
حب جاني وسط الجراح
هون عليا كل اللي راح
علمني معني الحب والسماح
نساني معني القسوه والجراح
علمني ان الدفا والحب
هو الحياه ونبض القلب
ويارب ...يارب فرحنا
عن اي جرح ابعدنا
بالحب والخير اسعدنا
بجد بحــــــبك يارب
بحبك

الجمعة، 16 أبريل، 2010

احساس جديد


حسه ان انفسي اقول كلام كتير اوي, معقول جت اللحظه اللي مكانتش علي بالي
وازاي في لحظه ممكن يجيي شئ يغير كل حياتك وممكن يحول حياتك من جراح
لحب وحنان,ياااااااااه علي قد كلامي دا علي قد ما انا خايفه اوي خوف عمري ما حسيت بيه
حتي احساسي زمان جنب احساسي دلوقتي ميعتبرش حاجه لاني فعلا حاسه اني في حاجه
في حياتي ليها قيمه ,حاجه غاليه وبجد يتخاف عليها
للدرجه دي ممكن حياة الانسان في لحظه تتغير ويحس انه واحد تاني مولود من جديد
يارب انا مهما قلت مش هيوصف اللي جوايا من حبي ليك ودلوقتي فهمت كل حاجه
وعوضتني عن كل حاجه عوضتني عن جرحي وعن القسوه اللي شفتها
والاحساس اللي حساه دلوقتي عمري ما حسيته قبل كدا
يارب بجد تكمل فرحتي
لاني فعلا خايفه اوووووووووووووووووووووووووووووووووووووووووووووووووي
يــــــــــــــــــــــارب

اصعب ايام حياتي


النهارده يوم من اصعب ايام حياتي ربنــــــــــــــــا يستر

الخميس، 8 أبريل، 2010

لكل قلب يوم انجرح


مين فينا مش محتاج
قلب يحبه ويخاف عليه
مين فينا مش محتاج
قلب يقدره ويحس بيه
مين فينا مش محتاج
قلب بحياته وروحه وعمره يفديه
مين فينا مش محتاج حب وامان
مين فينا مش محتاج ود وحنان
في ناس بتدي في عز احتياجها
وناس بتاخد والشر مالي قلوبها
ناس بتتمني قلوب تضمها وتحن عليها
وناس بشرها بتضيع كل شئ من ايديها
ناس قلوبها صافيه ترق من نسمه
وناس قلوبها حجر ميهزهاش ريح
ناس تتعذب لجل ما ترتاح احبابها
وناس تحب وتعشق الظلم والتجريح
حب الخير وعيش بالامل
وان عشت يوم بالوجع هتعيش سنين بالفرح
ولو في يوم انجرحت بالحزن هتقوي
ولو في يوم انظلمت بالانتصار هتبقي
عمر الجرح ما كان نهاية الحياه
ليه تحزن علي شئ صغير ولا يستاهل
حزنك الحقيقي لو عدي بكره عليك
وراح منك شئ مش ممكن تعوضه بالساهل

الاثنين، 5 أبريل، 2010

ماتت الاحزان


خلاص ماتت الاحزان
مبقاش ليها في حياتنا مكان
وقلوبنا بقت للحب عنوان
والخير والامل فيها سكان
اّلامنا تاهت في بحر النسيان
وجراحنا غابت بالدفا والحنان
خلاص ماتت دموعنا
واتولدت من تاني ضحكتنا
واترسمت في عيونا فرحتنا
فرحه بتنور كل شموعنا
تداوي عذابنا ومواجعنا
تاخدنا بعيد عن قسوة زمان
تريحنا بعد اللي كان
خلاص ماتت الاحزان