الخميس، 30 سبتمبر، 2010

ضد التيار


عايشين بنتعب نفسنا
وليه بنوجع في قلبنا
يموت بايدينا حلمنا
ويضيع في الهم عمرنا
نقتل املنا وفرحنا
ويسكن جوانا حزننا
ليه بنشغل فكرنا
في حاجات تاهت مننا
ماشين دايما ضد التيار
نحب اللي يكرهنا
ونكره اللي يحبنا
نبعد عن اللي يضمنا
ونقرب من اللي يصدنا
تايهين طول المشوار
والليل بقي زي النهار
دا محدش لنصيبه بيختار
ولكن فين عقلنا
دا محدش في الكون يستاهل
ولا يقدر يوم يذلنا
فين عقلنا

الأربعاء، 29 سبتمبر، 2010

سطحيه وتفاهه


هو ليه تفكير الناس بقي سطحي اوي كدا,مبيبصوش غير للظاهر وبس
مش مهم عندهم انت معدنك ايه قبل ما يكون الظاهر حلو كله مهتم بمظهره
عشان الناس تهتم بيه وتبص عليه ويلفت نظرهم ويتكلموا عنه, كله خايف من
مظهره عشان الناس متعيبش عليه مع ان الناس هم اول حد بتكلموا عليك
في اي حاله ,كله بيحب يخدع بعضه من بره حتي في المعاملات
من بره ابتسامه وفي حقيقتها بتبقي شايله حاجات كتير من غل وحقد
كله كدب في كدب,مين في الدنيا كامل مين في الدنيا يقدر يوازن بين الظاهر
والباطن ويقدر يحافظ عليهم من التلوث.لازم نبص لنفسنا ولمضمونا
قبل اي حاجه وقبل كلام الناس محدش هينفع التاني,وبكره هيجيي اليوم
اللي كله هيقول فيه يلا نفسي ,مش معني ذلك اننا نهمل الظاهر بس لازم
يكون تفكيرنا صح ,احنا كدا مبيملاش عنينا غير التراب
الدنيا دي رحله ومسير كل واحد هيرجع لاصله ومكانه الحقيقي

الاثنين، 27 سبتمبر، 2010

ليه


ليه يا دنيا الواحد بيقرب من ناس بيعاه
ليه يا دنيا الواحد بيتغرب عن ناس شرياه
ليه يا دنيا الواحد بيقرب من ناس بيعاه
ليه يا دنيا الواحد بيتغرب عن ناس شرياه
ليه ديماً نظلم ليه دايماً نألم
ليه نأسى ونجرح ونعذب كل اللي ادلنا هواه
ليه اللي بايعنا واللي ضيعنا واللي بيخدعنا
وبيخنا بنضحي بروحنا فداه .
أول ما بنكبر بنهرب من ماضينا
وأول ما بنقدر ندوس أقربنا لينا
بعد ده كله نعيب على الدنيا
واحنا العيب مالينا يووووه .
ليه يا دنيا الواحد بيقرب من ناس بيعاه
ليه يا دنيا الواحد بيتغرب عن ناس شرياه
ولا حب هممنا ولا فرح لاممنا بندور علي
بيتعبنا ويألمنا ونجري وراه
مشاعرنا قويّة مليانة أسية
دور على واحد في المية يوفيلك من جواه
أول ما بتعلى كتير بيكون حبيبك
وأول ما بتحلى كتير بيداري عيبك
وأول ما الأيام تغدر بك كل الناس
تسيبك يوووووووووه .
ليه يا دنيا الواحد بيقرب من ناس بيعاه
ليه يا دنيا الواحد بيتغرب عن ناس شرياه
الاسم حبايب أصحاب وقرايب لكن
الإحساس دايماً غايب والحب خلاص بعناه
ولا حضن قريب ولا قلب يطيب
والظالم تايه في الطيب وهو عون بخلق الله .
أول ما بنكبر بنهرب من ماضينا
وأول ما بنقدر ندوس أقربنا لينا
بعد ده كله نعيب على الدنيا
واحنا العيب مالينا يووووه .
ليه يا دنيا الواحد بيقرب من ناس بيعاه
ليه يا دنيا الواحد بيتغرب عن ناس شرياه
ليه يا دنيا الواحد بيقرب من ناس بيعاه
ليه يا دنيا الواحد بيتغرب عن ناس شرياه

السبت، 25 سبتمبر، 2010

قاوم واتحدي


الدنيا فيها اشكال والوان
نفوس تحب الخير للناس
ونفوس جواها من الشر بركان
نفوس كلها حب واخلاص
ونفوس مريضه متعرفش الحنان
نفوس مليانه دفا وطيبه
ونفوس فيها قسوه غريبه
ناس تحبها يحبوك
تلاقيهم جنبك يطمنوك
ولا يفكروا في يوم يخونوك
ولا يتعبوك ولا يذلوك
وناس تحبها يجرحوك
تقربوا منهم يبعدوك
تديهم حبك يستغلوك
كل همهم ينتقموا منك ويعذبوك
واوعي تديهم فرصه يكسروك
زي ما ياما زمان رموك
ولا يشمتوا فيك ويهزموك
دي ناس اللي يحبهم يكرهوه
قاوم واتحدي ولا انهم يغلبوك
ومتفكرش فيهم دا طريقهم كله شوك

هتعــــــــــدي


عايشين بنتعلم
والجرح فينا بيعلم
وعيونا حزينه ومكسوره
والقلب راضي ومسلم
يا دنيا ليه بتخوفينا
وعلي اي بر هترسينا
عمرك ما يوم طمنتينا
ولا يوم من الهم ريحتينا
وليه كدا جايه علينا
ولا حد يوم حس بينا
يا دنيا مسيرك هتعدي
مهما تكسري فينا وتهدي
يا دنيا مهما تظلمينا
لسه الامل عايش فينا
يلون حلمنا الوردي

الجمعة، 24 سبتمبر، 2010

قادريارب تنجينا


محدش بينفع حد
ولا حد داري بحد
ومين بيشوف جرح حد
كله بيدور علي نفسه
واه من الألم ملوش حد
معدش فيه حنيه خلاص
ولا حب ولا اخلاص
جرالكم ايه يا ناس
فين الرحمه فين الاحساس
الجراح بتعلم فينا
ولا في حد بيحن علينا
الحزن والهم بيسقينا
ولا حد قادر يداوينا
قلوبنا تاهت مننا
من كتر ما تعبنا وشقينا
ولا يوم الزمان ريحنا
ولا حتي الدموع بتواسينا
قادر ربنا من الهم ينجينا
يارب نجينا

الخميس، 23 سبتمبر، 2010

لحظه حزينه


الدنيا دي بس يومين
علي كل الناس مكتوبين
وسنين تمر وراها سنين
وادينا كدا كدا ماشيين
قلوب تدبح
وقلوب للفرح عطشانين
عيون تجرح
وعيون ملاها الدمع الحزين
ناس ع الروح تدوس
وناس من الوجع مكسورين
قلوب زي الحجر ما تدوب
وقلوب مدوبها الحنين
ناس علي بر بترسي
وناس في التوهه عايشين
عيون فيها صدق وبراءه
وعيون زي السراب كدابين
قلوب قاسيه مليانه خداع
وقلوب في الحب والعذاب دايبين
ناس ملت الانتظار
وناس لسه مستنيين
بكره اللي منه خايفين

الأربعاء، 8 سبتمبر، 2010

جفا القلوب




المشكله ان الحب دا لو كنا نقدر نشتريه كنت اشتريته من زماااااان
قوي, نفسي الاقي الحب الحقيقي مش اني عايشه في الوهم ولا الخيال ولا زمن غير الزمن حب
يقويني يدفيني يكون حافز ليا لكل حاجه حلوه بس للاسف مش لاقياه ,المشكله مش في الحب
ولا في الزمن المشكله في نفوسنا احنا ,كنت فاكره
انك سهل تلاقي الحب بس فهمت انك صعب تلاقيه حتي لو يوم لقيته لازم القدر يعاندك
ياتلاقي نفسك ماشي انت لوحدك في الطريق
يا اما حد بيتسلي بيك او بتحب لوحدك والطرف التاني مش حاسس بيك يا اما
بيبقي من طرفين وتقف الظروف قدامهم وتفرق بينهم ياااااااااه
الدنيا فعلا عمرها ما بتدينا اللي احنا عوزينه ابدا وكل شئ بيكون فعلا من ورا حكمه
اوعي تزعل ابدا ياللي بختك قليل افرح فكر ليه ربنا بيخليك تشوف كل دا ,هتتعب يوم سنه
اتنين ميه بس صدقني في الاخر انت الكسبان وربنا يفرح كل الناس

الثلاثاء، 7 سبتمبر، 2010

اصبحت اقوي


عندما يصدم الانسان يوما ما في حياته وينكسر بقوه فعندها يتخذ طريق من اثنين اما
الانهزام وتكون هي نهايته واما ان يكون هذا الانكسار بداية لقوته وقدرته علي تحمل
اي صدمات قادمه له في حياته حتي ولو لم يجد اي شئ حوله يساعده علي ذلك حتي
وان فاق من صدمته وقاوم وانتصر انهزم مره اخري فلا يحزن
فالايمان بالله والوجع يخلق منه انسانا قويا مهما تعرض من صدمات فهو اصبح
كالجبل يصبر ويتحمل ولابد ان يعلم انه قدر لكي يتعلم من الدنيا حقيقتها ومعادن كل من فيها

الاثنين، 6 سبتمبر، 2010

يارب لا اريد سواك


ياربي املئ قلوب الناس بالحنان والرحمه فنحن اصبحنا في زمن لا يعرف الحب ولا الخير نسينا الاخره وتعلقت قلوبنا بالدنيا المزيفه ويا ليتنا مسرورين فنحن في قمة التعاسه وقلوبنا ميته انبهرت بالخداع والزيف والكدب رب ارزقني قوة التمسك بديني اكثر كلما اشتد البلاء يارب



ربي ان تعلم سري وعلني وما يعلمه الناس وما لم يعلموه داخل نفسي ربي اصرف عني الخداع والنفاق والكذب فأن كنت كما يرضيك فزدني وان عصيتك فعاقبني وجازني بمثل ما عملت

الجمعة، 3 سبتمبر، 2010

حقا لا اله الا الله



اشهد ان لا اله الا الله وان سيدنا محمد رسول الله
بجد الواحد تعبان ومزهول ان ازاي في بني اّدم ممكن يتجرأ علي الدين
وعلي ربنا سبحانه وتعالي وعلي اشرف الخلق نبينا سيدنا محمد عليه افضل الصلاة والسلام
واحده حقيره اسمها ايناس مالك علي الفيس بوك البروفيل بتاعها كل مهانه للاسلام وللمسلمين
ياريت يا جماعه بالله عليكوا اللي عنده صفحه علي الفيس ينضم لحملات ضد قفل صفحتها
الملحده الكافره دي لانها فعلا مهزله

يارب رحمتك


اللهم انك عفو تحب العفو فاعفو عنا ,اللهم اغفر لنا ذنوبنا وكفر عنا سيئاتنا
وتوفنا مع الابرار,اللهم ارزقنا حسن الخاتمه وفرج كرب عبادك جميعا
اللهم اشفي مرضانا ومرضي المسلمين وارحم موتانا وموتي المسلمين واجعل
قبورهم روضه من رياض الجنه,اللهم وفقنا لما تحبه وترضاه وارزقنا الخير كله
عاجله واّجله واصرف عنا الشر كله عاجله واّجله اللهم امين يارب
ااامين يارب العالمين