الحب ...ماهو الحب؟؟ولماذا انعدم وجود الحب الحقيقي في حياتنا؟؟
ولماذا زيفنا معناه ليصبح بهذه الصوره الرخيصه في هذا الزمن الاحمق؟؟
فالعيب ليس في الحب ولكن العيب فينا نحن البشر,فكيف تكره وتقول احب؟؟
كيف تحقد وتقول احب؟؟كيف تكذب وتقول احب؟؟كيف تخدع وتقول احب؟؟
كيف يضحي الانسان ويعطي لغيره وقلبه يملؤه الانانيه وحب الذات؟؟
والحب هو التضحيه والفداء والعطاء هو ذلك الاحساس الذي
يهبط علي القلب ليملؤه دفا وحنان ,احساس يأخذنا لنطير لأبعد مدي نقاؤه ليس له حدود
احساس يطهر القلب من الأحزان والأوجاع يطهره من الرزائل ,احساس يملئ القلب
نور ويجعله يري الحقائق ,هو ذلك الإحساس الذي يغير كيان الانسان ويجعل قلبه ارق
من النسمه يسقط وينكسر من أي ريح تعصف به,يملئ القلب صدق مع النفس وصدق
مع الاخرين ,هو الذي يحول الانسان الرقيق الي صخره صماء لا تسمع من يصرخ بالقرب
منها, هو اسمي وارقي وأصعب إحساس في الحياه لانه كما انه جنه ممكن ان يعيش فيها
القلب الا انه أحيانا يتحول لنااار تجعل القلب محطم ,ليس بضعف كما يظنه الناس
ولكنه احترام ومعزه صادقه تملئ القلب.فهو ليس قصص وحكاوي واشعار ليس كلمة
حلوه او نظرة عين او لمسة يد لكنه تضحية عطاء بلا مقابل ...
نادر من يعيش هذا الحب ويجد من يستحقه حقا واحيانا اخري قلوبنا تسئ الاختيار
ولكننا نتعلم كي نتعلم قيمته ونحيا به دائما ونجد حقا من يصون ذلك الحب
وهكذا هي الحياه!!!
حياتنا زي كتاب كبير
كل يوم صفحة غير التانيه
من امل وفرح لعذاب
والحال بيتغير في كل ثانيه
بنقابل ناس ونفارق ناس
وهو كده طبع الدنيا
تجرحنا ناس تداوينا ناس
وادي احنا عايشين وخلاص
تايهين بندور علي الإحساس
والخير والدفا والإخلاص
وازاي هنلاقي الحب
وقلوبنا عن بعضها أغراب
ازاي هنلاقي القلب
اللي تايه مننا وسط السراب
ازاي هنعيش
من غير لمه وصحبة واحباب
وايه نكون في الدنيا
مهما خدنا ومهما بقينا
اه منه الوهم الكداب
وازاي هنفهم
واحنا متغربين
ازاي هنفهم
واحنا مش حاسين
ازاي هنفهم
وفي وهم كبير في قلوبنا
معكر علينا صفو حياتنا
وهم ملانا كره وانانيه
وخلانا للحقيقه مش شايفين
ازاي هنفهم
وروحنا بعيده تايهه
واحنا من غيرها ضايعين
عايشين في الدنيا اموات
وفاكرين اننا صحيح عايشين
وبقينا مجرد اّلات
واتحولنا لوحوش قاسيين جارحين
للحب والخير ناكرين
وعلي اكتر ناس حبونا دايسين
طب امتي هنفهم
بنفهم
لما نقتل سعادتنا بأدينا
لما تضيع ضحكة قلوبنا
وتوه مننا فرحة عنينا
وبنفوق علي حقيقه مؤلمة
صادقه تصحينا وتهزنا
ونتمني للحظه لو الايام ترجع بنا
لكنها عمرها ما بترجع
نوري يا شموع الامل
من بعد ضلام الليالي
واملي حياتنا نور وفرح
وحب ودفا واغاني
وخدينا من بعد التوهه
خدينا من بعد العذاب والجراح
وارمينا في حضن الاماني
عوضينا عن كل اللي راح
وارسمي فرحتنا وضحكتنا
علي وشوشنا من تاني
وبنورك تضوي قلوبنا
وتمليها سعاده وهنا وبراح
نوري يا شموع الامل بكره
نسينا الماضي وكل الذكري
وامحي ذكري حلم قديم
حلم غامض بعيد أليم
ونوري حياتنا بحلم جديد
يسعد ايامنا اللي جايه
يا تري يا ايام يا مستخبيه
فيكي ايه؟؟؟؟؟؟؟؟
