خبيني جوا حضنك يوم ودفيني
دا فاتوا سنين انا وعيني بنحلم بيك
الاثنين، 30 مايو 2011
الاثنين، 23 مايو 2011
مسير الحلم يتحقق
يا بكره يا جاي استني
انا عشت كتير بتمني
لحظة ود وحب
ادوب فيها واتهني
يادنيا غداره جرحتينا
ياما قسيتي وجيتي علينا
ابعدي عنا خلاص وسيبينا
نعيش لناف الفرح يومين
ننسي بيهم جرح السنين
نعرف طعم الشوق والحنين
ونرسم ضحكه ف عيونا
تمحي دموع القلب الحزين
سيبينا يا دنيا وانسينا
وكفايه اللي عملتيه فينا
ادينا بنعافر وهنوصل
ومسير الحلم يتحقق
وهنقوي بيه مهما تعاندينا
الأربعاء، 4 مايو 2011
طير يا حزين
طير يا حزين وانسي
واياك ف يوم م الهم تقسي
عيش بالأمل واتهني
بالحب داوي كل الجراح
وارمي وراك كل اللي راح
دا مهما الدنيا عذبتنا
وجرحتنا كتير وغربتنا
مسيرها يوم تحلي لنا
وبكره اللي مكنش علي بالنا
جاي وهيغير أحوالنا
وهيملي قلوبنا دفا وأفراح
وطول ما احنا عايشين
عايشين نفرح ونتألم
وهي كدا الايام بتعلم
واهو كله مكتوب عالجبين
الحمد لله رب العالمين
السبت، 23 أبريل 2011
حب وعيش
حب وعيش وانسي الهموم
دا بكره جاي يمحي الغيوم
والقلب اللي عاش محروم
والقلب اللي بات مظلوم
جرحه عمره ما بيدوم
ومهما نحزن ونتألم
ومهما الدموع تتكلم
مسيرالحال يتبدل
وتروق الدنيا وتتعدل
انسي وعيش ايامك
اخرج من دايرة اوهامك
دي الحياه لسه قدامك
مبتقفش ابدا علي شئ راح
والليل لو كان طويل
اكيد من بعده جاي الصباح
بعد غياب كبير عن المدونه
راجعه بقول لكم وحشتوووووني قوي
الأحد، 10 أبريل 2011
الثلاثاء، 5 أبريل 2011
خبيني
خبيني ف حضنك دفيني
وف نن عيونك داريني
محتاجه حنانك يسقيني
من ظلم الدنيا يحميني
ضمني بحنان حسسني بالأمان
عوضني عن كل اللي كان
نسيني قسوة الزمن والحرمان
حلي بكره ف عنيا
خلي ايدك في ايديا
بالحب نواجه الحياه
ومهما شفنا منها ياما
هنعيش ف بعض بنتحامي
هنقوي ببعض ونتحدي الزمان
طول ما جوانا الحب والحنان
الاشتراك في:
الرسائل (Atom)