الخميس، 8 أبريل 2010

لكل قلب يوم انجرح


مين فينا مش محتاج
قلب يحبه ويخاف عليه
مين فينا مش محتاج
قلب يقدره ويحس بيه
مين فينا مش محتاج
قلب بحياته وروحه وعمره يفديه
مين فينا مش محتاج حب وامان
مين فينا مش محتاج ود وحنان
في ناس بتدي في عز احتياجها
وناس بتاخد والشر مالي قلوبها
ناس بتتمني قلوب تضمها وتحن عليها
وناس بشرها بتضيع كل شئ من ايديها
ناس قلوبها صافيه ترق من نسمه
وناس قلوبها حجر ميهزهاش ريح
ناس تتعذب لجل ما ترتاح احبابها
وناس تحب وتعشق الظلم والتجريح
حب الخير وعيش بالامل
وان عشت يوم بالوجع هتعيش سنين بالفرح
ولو في يوم انجرحت بالحزن هتقوي
ولو في يوم انظلمت بالانتصار هتبقي
عمر الجرح ما كان نهاية الحياه
ليه تحزن علي شئ صغير ولا يستاهل
حزنك الحقيقي لو عدي بكره عليك
وراح منك شئ مش ممكن تعوضه بالساهل

هناك تعليقان (2):

  1. هايل هايل
    يامها

    كل كلمه ليها معنى رهيب
    واحنا فعلا كلنا محتاجين
    للحب
    والحنيه
    والدفا
    وكل شيئ
    تحياتى يامها
    ودايما متألقه كده

    ردحذف
  2. دودو حبيب قلبي
    انا مبسوطه اوي انك بتبعيني اول بأول
    دا شرف ليا
    كلنا محتاجين للحب والحنيه اكتر ما محتاجين للمال
    لان للاسف الحنيه والحب مبقوش موجودين
    ولاننا بردو مش جماد احنا بردو بنحس
    بس المشكله ان الطريقين عمرهم ما بيتقابلوا

    تحيــــاتي الغاليه جدا

    ردحذف