الدنيا دي بس يومين
علي كل الناس مكتوبين
وسنين تمر وراها سنين
وادينا كدا كدا ماشيين
قلوب تدبح
وقلوب للفرح عطشانين
عيون تجرح
وعيون ملاها الدمع الحزين
ناس ع الروح تدوس
وناس من الوجع مكسورين
قلوب زي الحجر ما تدوب
وقلوب مدوبها الحنين
ناس علي بر بترسي
وناس في التوهه عايشين
عيون فيها صدق وبراءه
وعيون زي السراب كدابين
قلوب قاسيه مليانه خداع
وقلوب في الحب والعذاب دايبين
ناس ملت الانتظار
وناس لسه مستنيين
بكره اللي منه خايفين
اولا الف حمد الله على السلامه
ردحذفثانيا والله عندك حق الدنيا دى بس يومين دى اقل من لحظة بنعشها كمان
بنقابل قلوب كتير انتى وصفتيهم بجد كدابه وبتخدع وناس تانيه نفسها تفرح للفرح هطشانين انا واحد من اللى نفسه يفرح بجد تحياتى ليكى يا مها انا بجد معجب اوى بالبوست ده كلام جميل اوى تحياتى ليكى
الدنيا دى بس يومين
ردحذفعلى كل الناس مكتوبين
فعلا لو نعرف الناس بعد اليومين دول ايه
لكان الحال غير الحال
خاطره جميله
سلمت يداكى
محمد
ردحذفالله يسلمك يارب
انا كمان نفسي افرح وادوق معني الفرحه ولو للحظه واحده علي الاقل تمحي جزء من الحزن اللي عشش في قلوبنا
ولكن كل شئ وراه حكمه لا يعلمها الا الله
ربنا يفرحنا كلنا ويسعدنا يارب
سعيده جدا بمرورك
تحياتي
mrmr
ردحذفالدنيا دي متسواش كل اللي احنا بنعمله في بعض
وربنا يصلح احوالنا جميعا يارب
سعيده اوي بمرورك
تحياتي