وشوش

الدنيا كذبة كبيره

مليانه حكاوي كتيره

ناس عايشين في توهه

وناس بالحب أسيره

ناس عاوزه مال وجاه

ماشين في اي اتجاه

وناس بتدور علي الحب

دا نبض القلب هو الحياه

نفوس طماعه بتاخد وخلاص

ونفوس راضيه كلها احساس

وشوش مرسومه بألوان جميله

وقلوبها مشحونه بأمراض خبيثه

ووشوش تشفها تحبها

قلوبها مليانه حنين وصفا

ناس بتعيش في الوهم وبتصدق نفسها

وناس مذلوله مظلومه حتي من نفسها

ياتري ايه النهايه

ايه نهاية الصراع!!!

هناخد اكتر من نصيبنا

هناخد اقل من نصيبنا

فوق يا بن ادم

واحسبها واعرف ان الملك لله

دي الحياه للحياه

يالى بتقرب قلوب العطشانين لبعضهــــــــــا
الى دايبة ياعينى دوب والى مغلوب امرهـا
غنوتك فوق الدروب مش هتدبل عمرهـــــــا
كلمة الحب الى باقية من قلوب لبعضهــــــا

لو تدق الدنيا بابك بلمحبة افتحلهــــــــــــــا
وانسى كل الى جرالك منها يوم واضحكلها
فين هتاخد منها قولى خير عسلها ومرهــا
دى القلوب الصابرة ربك راح يعوض صبرهــا
دى الحياة للحياة

منــــــــــير

يا بكره..امتي تجينا

يا بكره يا مستنينا

اوعدنا امتي تجينا

تعبنا خلاص من ليالينا

ودوقنا كتير من حوالينا

يا بكره يا مستنينا

من برد الاحزن دفينا

للهنا والفرح ودينا

من بعد التوهه رسينا

يا بكره يا ما تعبنا

وقاسينا كتير واتعذبنا

والماضي اهو شاهد علينا

يا بكره اوعاك تجرحنا

من الخوف والحيره ريحنا

واملي الفرحه في عنينا

يا بكره يا مستنينا

اوعدنا امتي تجينا

احنا ولا عارفين

بنقول اننا فاهمين

واحنا ولا عارفين

بنقول اننا عايشين

واحنا حياري تايهين

بنقول اننا شايفين

واحنا ولا حاسين

لا فاهمين ايه عايزين

ولا عارفين علي فين رايحين

ناس بتحب الخيرللناس

وناس نفسها تجرح وخلاص

قلوب مليانه دفا واحساس

وقلوب ماتعرف حب ولا اخلاص

وهو دا حال الناس

عايزه ايه تاني يا دنيا

كفايه بقي

رد يا بكره

رد يا بكره طمني

فرح قلبي ريحني

قلقان منك وخايف

خايف من تاني تجرحني

والقلب مبقاش حمل جراح

بيتمني يدوق هنا وافراح

ويعوض كل اللي راح

ومن بعد القسوه يرتاح

نفسي الاقي نفسي

ويتحقق اللي في نفسي

نفسي اعيش زي كل الناس

والاقي الحب والدفا والاحساس

نفسي اعيش في بحر حنان

يغسل جوايا كل الاحزان

واعيش بالحب طول الزمان

اعيش بالحب رغم اللي كان

ويملي النور والامل الكون

يارب افرجها من عندك

افرجها يارب الكون

اصبر يا قلبي

كنت يا قلبي بتتمني

تعيش في الحب وتتهني

كنت يا قلبي جريح محروم

عايش ليالي كتير مظلوم

وانكتبلك عمر تاني

مليان بالشوق والاماني

عمر فيه دفا وحنان

بيطوي ليل الاحزان

بينسي كل اللي كان

بياخدنا لبر الامان

عشت يا قلبي موجوع وصابر

عشت ولسه بتجري وتعافر

ماهو كل من عاش حياته بالحب

هيعيش سنين كتير بالالم

لكنه لما يجيله الفرح

هيفهم وقتها قيمة الجرح

اصبر يا قلبي وادعي

واصبر يا كل قلب اتألم

دا الجرح بيقوي ويعلم

وكل شئ مسيره هيعدي

يــــــــــارب

رومانسيه

في عنيكي حلم جميل

في عنيكي هنا وافراح

في عنيكي حب كبير

بيعوضني كل اللي راح

في عنيكي ضحكة سنيني

وفي قلبك شوقي و حنيني

في عنيكي ضحكة ايامي

في عنيكي كل احلامي

في عنيكي راحه وطيبه

بتمحي القسوه الغريبه

في عنيكي امل بياخدني

لبكره وللحلم الوردي

في عنيكي كل شئ

يا اغلي من اي شئ