الأربعاء، 24 مارس 2010

يا طير يا عالي


يا طير يا عالي
يلا نطير في العلالي
خدني لحلم غالي
زي النجم فوق بيلالي
وديني لدنيا تانيه
ولا كانت يوم علي بالي
خدني لاحساس جميل
يحلي كل الايام والليالي
يا طير افرد جناحك
داوي عذابك وجراحك
تطيب بالحب كل احزانك
تنسي تعبك وهمومك واّلامك
وتنور الدنيا قدامك
وتعيش وتكبر جواك احلامك
طير يا طير وسلمها لربك
هو اللي حاسس بيك وخلقك
طير يا طير رغم اللي كان
عيش واتحدي ظلم الزمان

هناك تعليقان (2):

  1. مها حببتى
    ازيك
    احلمى يامها واحلمى واتمنى
    بس خديها منى زى ما بتتوقعى الحلو توقعى الوحش
    ربنا يسعد ايامك
    تحياتى الكبيره

    ردحذف
  2. داليا
    اوقات كتير ربنا بيعوضنا حاجات اكتر من اللي راحت
    مننا واحلي وخصوصا اللي تعب قوي زي حالتنا
    وبعدين يا دودو الجرح بالنسبه لنا بقي عادي
    القلب لما بينجرح مره بيبقي اتعود علي الجرح
    وعلي فكره الدنيا مش بتقف عن حد معين وانا اكشتفت كده

    تحيااااتي الغاليه اوي اوي

    ردحذف