يا حلم في خيالي
عشت سنين ادور عليه
يا نجم فوق عالي
وحب كبير اتمنيت الاقيه
ومش عارفه اقول ايه
رد يا قلبي رد عليه
قوله هو الهنا والفرح
والدوا من بعد الجرح
قوله هو النور والدفا
والحنين من بعد الجفا
والعطاء بعد الحرمان
قول يا قلبي قول كمان
ياما شفت كتير احزان
لكني بسجد وبشكر الرحمن
علي اي مر دوقته زمان
علي احلي هديه بعد اللي كان
سبحانك يارب الحق
سبحانك يارب يا رحمن
عمرك ما بتظلم حد
وحكمتك في كل شئ بتبان
ويا كل قلب دوقت الالم افرح
بكره ابواب الفرح ليك هتتفتح
سبحانك يا رب يا رحمن
ونعمه بالله
ردحذفجميله يامها بجد
واحلا مافيها انها فيها كلمات لله
فعلا يامها ربنا ليا حكمه فى كده كبيره اوى
يبقا فى حزن عشان لما يجى الفرح نحس قيمته اوى
ادعيلى يامها بالله عليكى
اصلى تعبت اوى من الحزن
ودموعى بجد مش بتخلص خالص
وربنا يكرمك يارب ويسعد ايامك كلها
بالهنا والفرح والسعاده
خالص تحياتى
داليا حبيبتي
ردحذفتعرفي يا داليا اني بتعمد في كل حاجه بكتبها
ان اكتب جزئيه كلها امل عشان الفت نظرك ليها
لاني دايما بقول ان انا وانتي واحد قاسينا كتير اوي
واتعرضنا لنفس الظلم
بس والله يا داليا كل شئ بيعدي ومفيش حاجه ولا حد يستاهل اننا نبكي عليه خصوصا لو كان حد رخيص
وبالخصوص اكتر لو كانت الدموع دي دموع انسانه طيبه ومعطائه زيك
متعرفيش انتي في بالي قد ايه وكل حاجه بكتبها بتكوني جواها وربنا يا داليا يسعدك وينور لك طريقك وصدقيني بكره هترتاحي الدموع بتخلص والحزن بيخلص ويجيي الدور بقي علي الفرح والهنا والحب الحقيقي
تحياتي الغاليه جدا جدا جدا