الأحد، 6 مارس 2011

برافووووووووووو


برافو عليكي يا دنيا بتتحدينا
جرحتي قلوبنا وكسرتينا
لكن كفايه انك علمتينا
اننا مندكيش يوم الامان
برافو عليكي يا دنيا وجعتينا
ومليتي الدمع ف عنينا
عرفتي ازاي تتعبينا
وتدوسي علينا وترمينا
برافو عليكي يا دنيا قلابه
غروره عجيبه وكدابه
فيكي قلوب كلها احساس
لما اتوجعت صبحت شقيانه
وفيكي قلوب زي الحجر
عايشين يجرحوا ولا بيتجرحوا
ويا عيني ع اللي الزمن جرحوا
لا لاقي حد يداويه
ولا قلب حنين يدفيه
مش بقلك يا دنيا قدرتي
قدرتي بجد تكسرينا

هناك 4 تعليقات:

  1. ماشاء الله عليكى يا مها بجد فى التعبير عن الكلمات والحروف

    بجد كلماتك اوجعت قلبى لانها نابعة من القلب

    ربنا يفرج عنك عنك يارب ويسعدك فى الدنيا والآخرة

    ويبدلك الاحسن بالاحسن ان شاء الله

    تحياتى لقلمك المبدع وفى انتظار المزيد ولكن بالفرح دائما حبيبتى ان شاء الله

    ردحذف
  2. جميله اوى يا مها كلماتك بس عايزة اقولك يا حبيبتى ان الدنيا مش السبب .. العيب فينا وما لزمننا عيب سوانا .. العيب فى الناس يا مها مش فى الدنيا .. الدنيا مبتتغيرش يا مها الناس اللى بتتغير وتقدر تتلون مليون لون ولون ...
    انا معاكى ان الجرح صعب اوى لكن العقل اجمل فى تحدى الصعاب استخدمى عقلك ومتركزيش مع الجرح كل شئ بيفوت وبيعدى يا مها

    ردحذف
  3. وردة الجنه
    حبيبتي انا سعيده اوي بمتابعتك ليا
    انا اسفه اوي اني وجعتك بعيد الشر عنك
    بس فعلا الكلام دا جوايا
    وربنا يسعدك ويسعدنا جميعا يارب
    تحياتي

    ردحذف
  4. بنوته مصريه
    حبيتي سعيده بمرورك
    فعلا عندك حق الناس هي اللي بتتلون مية لون وليها ألف وش المشكله فينا احنا
    فعلا لو استخدمنا العقل هنقدر نواجهه حاجات كتير وممكن نقدر نتغلب عالجرح يوم مالايام
    بس اوقات بيكون الجرح كبير اوي صعب نداويه وبيعجز العقل قدامه
    ومشكلتي الكبيره جدا اني بضعف قدام مشاعري ومش بفكر بعقلي
    تحياتي

    ردحذف