الخميس، 10 مارس 2011

لا يا دنيا كفايه


صابر يا قلبي علي الايام
دايب وتايه ف الاحلام
خايف ف يوم تصحي
تلاقيك غرقان ف الاوهام
صابر يا قلبي يامهموم
احساسك راح وسط الغيوم
عشت ليالي محروم
من لحظة حب وحنيه
كفاياكي يا دنيا اّسيه
كفاياكي بقي تخبيط فيا
لكن لا وبقولك لا
مهما تكسريني
م الجروح مش بتعلم شويه
ومسيري هقوم من تاني
وهتحدي الحزن اللي بيا
وبقولهالك يا دنيا
بايماني بالله هتحمل
وهقوي عليكي قبل ما تقوي عليا

هناك تعليقان (2):

  1. واضح انى فاتنى مواضيع كتييرة وكلمات كتييرة من كلماتك المبدعة مها

    ربنا يكرمك يارب ويوفقك وبعد كده عاوزة منك كلمات كلها فرح وبهجة ربنا يملى بيهم حياتك يارب

    ردحذف
  2. وردة الجنه
    يارب يا حبيبتي ربنا يملي حياتنا كها بالافراح
    ويعوض صبرنا خير
    تحياتي وانا يسعدني ويشرفني متابعتك ليا دايما

    ردحذف