يا طير يا طاير
مالك في الكون حاير
دايرتدور في دواير
تايه حزين محتار
مجروح متغرب في المشوار
وف قلبك هموم واسرار
بترقص من الالم عالاوتار
عايش بجناح مكسور
والدمع في عيونك يملي بحور
عايش مهموم حيران
وف ضلام الليل سهران
محروم ودايب في الاحزان
شريد ف الدنيا ملكش مكان
وحيد بتدور علي الامان
خايف من قسوة الزمان
وامتي هتعبر ضلام الحرمان
امتي هتخرج بره دايرة الاحزان
شريد ف الدنيا ملكش مكان
ردحذفوحيد بتدور علي الامان
خايف من قسوة الزمان
انتى بتتكلمى عن مين
لو على الطير فعمر الطير ما بيعول الهم ولا بيخاف
لان الرب بيعولها فى اكلها وشربها
لكن لو على شخص الانسان فدى طبيعته
الخوف من الزمن وقسوته
كلماتك سلسه وجميله
سلمت يداكى يا اجمل مها
مرمر حبيبتي
ردحذفانا قصد بالطير هنا الانسان الحزين المجروح
فعلا عندك حق الخوف من طبعنا
سعيده بمرورك يا قمر
تحياتي
ازايك ياحبيبتي وحشتيني قوي وانتي عارفة كده كويس الكلمات حلوة قوي يا مها ولمسة الحزن فيها هي اللي بتحليها بس قلبك عاوزاه يكون دايما فرحان واللي بيفرح قلبك لو عارف نفسه ياريت يكون عنده الاحساس العالي اللي عندك وربنا يكتب لك الفرح
ردحذفمروه
ردحذفالمدونه النهارده بس نورت بجد
انا فرحانه قوي يا روح قلبي وفرحت لما شفت تعليقك عندي
وفرحت اكتر لما شفت مدونتك
انتي اكتر واحده فهماني وحساني
يارب يا مروه يكتب لنا الفرح وربنا يفرجها من عنده يارب
تحياتي يا حبيبتي