الجمعة، 22 أكتوبر 2010

برد الليل


وجع في القلب
وسنين مره وشقي وغلب
قلوب مليانه حزن وجفا
محرومه من حنان الحب
قلوب تخاف تصدق حلمها
تخرج منه بألم وعذاب
تخاف تعيش جوا امال
وتطلع في الاخر سراب
تخاف تصدق احساسها
ويكون في الحقيقه وهم كداب
وف عز خوفها محتاجه
ايد حنينه تتمد ليها
تاخدها تضمها تطبطب عليها
من نبع الحنان تسقيها
وبالحب زي زهره ترويها
من برد الليل تدفيها
واه من برد الليل

هناك 6 تعليقات:

  1. انا مش عارفه ليه وجع القلب ده يا مها
    كلماتك كلها حزن
    حاولى يا قلبى تخرجى من المود ده
    لحسن الحزن يتغلب عليكى
    ربنا يفرح قلبك ويملاه بالامان والسلام

    ردحذف
  2. سلامة قلبك ياحبيبتي ربنا يشرح قلبك ويدفي إحساسك الرقيق الصادق بالحب الصادق اللي يستاهله ومفيش وجع مالوش دوا وفرحة قلبك هتيجي على فجأة

    ردحذف
  3. مرمر حبيبتي
    اعمل ايه قلبي فيه وجع دايما
    وربنا يفرحنا كلنا مع ان الواحد حاسس انه بقي جزء من الحزن نفسه بس دي مش حاجه وحشه دا خير
    تحياتي يا حبيبتي

    ردحذف
  4. مروه
    ربنا يخليكي ليا يارب يا حبيبتي يا طيبه
    يا ام قلب كبير كفايه انك جنبي وبكلمك دا بيهون كتير عليا
    ادعيلي يا مروه
    تحياتي يا قمر

    ردحذف
  5. مها
    ربنا يكرمك ويكتب لك الخير في طريقك
    وانا حاسة ان الأمل اللي عندك بداية فرحة كبيرة
    بدعيلك دايما يامهاوبحبك قوي
    تحياتي الغالية

    ردحذف
  6. مروه حبيبتي
    ربنا يخليكي ليا با حبيبتي
    كفايه انك جنبي دايما ودا بيفرحني وبيديني امل
    ربنا يحميكي يا احلي جوهره في الدنيا
    بحبك قوي
    تحييياتي الغاليه جدا

    ردحذف